今日係農曆的二月十五日, 我想今日會係我今年的赤口, 因為今日我有三件備受爭議的事情發生

第一, 就係香水的問題, d香水本來就係打算送俾瑜, 不過今日送俾佢個時, 有少少擔心, 因為成日行過廟街都會見到好多假香水, 好怕有好多以假亂真, 香港係我朋友送的, 本來係春節前就應該送俾瑜, 不過自己都唔知放左係邊, 一直就係咁拖....今晚送左俾呀瑜, 呀瑜就話香水係假既, 我地今晚行街個時都去左sasa卓悅試左香味, 同我自己開左盒試的都是一樣, 我先放心左, 不過瑜話就算一樣都可以係假, 但係我唔鐘意佢講,你個個咩朋友黎架? 我想如果係假既, 我會比你更唔開心, 我都係借花敬佛, 佛敬唔到, 仲要整到一鑊泡...都唔知為咩?不如唔送好過....

第二, 都係呀瑜....叫左佢慳錢, 因為龍鳳鐲的事, 佢成日都問我幾時娶佢, 大佬, 我唔使你貼大床, 你都無可能兩手空空咁入門啦, 我得, 不過人地點睇你先? 整到我成日好似管家婆咁, 如果你自己自尊心無咁強既話, 我買俾你, 你再拎出黎帶, 都得, 不過你自己過唔過到人言可畏呢4個字呢? 有時管到自己都好煩, 好唔想理, 成日都好似抓爛塊面同人講錢咁...唉...

第三, 我表哥問我借錢..成日的委屈, 終於有個人俾我發洩了, 但都要佢有位俾我發洩....借5萬元, 一分息, 真係當我傻仔....如果係兄弟, 唔使你還都無所謂, 不過表哥做過什麼, 心知肚明, 在我眼內, 只可以當你是朋友, 不可以是親戚, 如果是朋友, 借錢當然是在商言商, 你最後的言論是試我, 好攪笑, 買屋...200萬的, 你憑什麼買200萬的屋呀, 吹水有你份, 你有200萬, 我就有20億, 由細到大最疼你的外公, 現在什麼情況, 我想不用我說~你都知道, 200萬, 如果你真的有200萬, 外公仲咁慘, 你就是不孝....你可以說我不孝, 不過我是外公, 你是爺爺, 現在就算我的mama死我都不會回去,因為無咁既價值.....