第一次遇上佢已超過十年前，在海洋中心無敵全玻璃海境的老公司中工作近。這舊東西是聖誕時廠商送來的禮物籃中的遺孤.... 當晚我最夜走，嗬，禮物籃都被同事搶空，偏偏就遺下呢舊醜樣蛋糕，我當時有眼不識泰山，以為佢係舊蛋糕。因為大家心目中一向都評定聖誕餅係最難食的物體，所以佢當時一樣被列為無人吼的蘿底橙。

收工啦，跟住就放假，我心諗《好啦，無人吼你，就等我抵吓稔帶你返屋企先算啦！》
嗬嗬嗬... 原來係好食到不得了的真正「義大利大麵飽」！
即刻同在洒店身高要職的姐夫通告，叫他帶幾個回來比我過聖誕....
姐夫話《幾個？！》

唏... 原來真係有眼不識泰山，阿「大麵飽」係身價不非，好貴架！而且唔係間間洒店做得好食，姐夫自家餅房也無出品，他的來源也是d 供應商送給他的聖誕禮物籃才有。好彩第２年聖誕又再在禮物籃發現佢！唉，跟住去了利記只遇過佢一次，可惜唔係老牌洒店出品，只係A貨......

之後都無再見過佢現身，今年襯姐夫回港開會，一早叫他揾隻比我啦... 他說調了去外國兩年幾，點會回來三幾日重可以拎到。替怕要等明年他調回娘家，先再有禮物籃收！
姐夫話而家一隻「大麵飽」要三百幾蚊，雖然咁大隻，但其實係空心，唔係咬得幾多啖，幾百蚊隻果皮麵飽，的確貴不可擋！

最近發現『心心麵飽』都學人出了隻迷你辦Panettone，一點也不平$22，即比賣開的飽飽貴四倍，我也希望無A貨，都有B貨級數，點知.... 

唉，一切開就知佢流到唔流，再放入口，已經唔想食，跟本不論不類，扮蛋糕不似蛋糕，扮麵飽不似麵飽，只係一款唔知想點的新口味提子飽，事實跟本連佢地『心心麵飽』自己一向熱賣$8六個的提子麥飽都不及，好心獻醜不如藏拙，做乜無端端整舊不論不類野出來呃人錢，畫花自己個file 呢？！

 我都係等明年聖誕o羅