結束了昨天我們的一番討論, 得到的答案出奇的,意外的平靜,可能知道自己就算煩,都不代表事情就會不了了之,知道事情就像倒數一般,你愈去想,就會愈煩,就會愈不知所以,不過今天是瑜媽咪的生日, 本來瑜打算要我陪佢媽咪去出面食buffet， 不過我唔知佢媽咪係唔係好似瑜咁講，可以如到期，所以我想都係佢屋企都煮一餐．．．不過瑜話怕我煩同累，傻既，煮野食俾自己鐘意既人，我覺得唔會累，相反 仲有一種幸福的感覺，早上的廚房比往日的早上，多了種種的聲音，切東西，攪拌東西，找東西的聲音不絕於耳．．．今天預定的三菜一湯，仲未煮，已經有一個完 成圖在自己的心入面，唔知佢地對我的廚藝有咩評價呢？？

整好哂野都差不多中午，跟瑜聊了一下天，仲有等個客回覆我，等等下差不多下午二點先去到瑜屋企．．．不過入到去見到瑜的屋企同我想像好似有點出入，比我想像中亂吧！！咁我即刻開工，煲湯切野，整好哂就同呀瑜出街食野，佢成日都未食野，又唔出聲，正一傻妹！！

同埋今日我發現瑜有個特點，就係好似姐 咁，一係就唔肚餓，一肚餓就係餓死人個種．．．唔知係唔係女仔都係咁，因為我之前識的女仔都有好多係咁，都幾無奈下！！晚上，見到自己煮的東西好像無咩人 食咁，瑜好俾面係咁吃吃吃，我知道呀瑜平時唔會吃咁多，我想唔係我煮野唔好食，係因為我唔知佢地的生活習慣，所謂各處鄉村各處例，我下次要根據今次的經驗 改善下！！

食完飯同呀瑜出去睇戲，都係第一次同瑜 去睇，其實瑜成日都話好想同我去睇戲，可能係我又忙，佢又就唔到時間，所以一直都睇唔到，今日咁得閒，咪借佢媽咪的生日之名，我地就去左睇戲．．．套戲我 到依家已經唔係好知佢講咩，因為悶得濟．．．我已經訓著左，不過我只知道瑜依在我身邊，只要她開心，我就開心了．．．