是呀, 今天我地計劃去廣州, 去廣州的目的有兩個, 一, 就是瑜話廣州都有服裝批發市場, 二是還人情, 因為上次來廣州的時候, 瑜的五姨媽招呼左我地兩日,來而不往, 非禮也…..

 

當然兩者我都係因為前者先會去廣州, 今日去到廣州的時候, 下的雨比在虎門還大, 以為今日一定會做落湯雞, 點知….原來廣州地鐵有一個出口在流花站旁邊, 所以今日我地好瀟灑咁就去到酒店….

 

間酒店可以話係我住過咁多間酒店入面最令我唔放心的酒店, 因為d窗係無鎖的, 雖然我地住7樓…今日如果唔係落雨, 我一定會唔住呢間, 去住第二間….呢件事到依家打緊日記瑜都未知的….之後去左找五姨媽下午茶, 今次都係第一次去佢的檔口, 比想像中細好多…一個咁細的檔口竟然可以令佢地買完一層樓又一層….所以做生意都係講量, 而唔係一單半單….

 

今日去左行衫, 去左白馬, 一個地方已經行餐飽, 唔好講去多兩個地方…..虎門同佢比, 真係無得比, 呢個地方的衣服質素好好多….晚上瑜要去睇大結局, 我行左一日唔係好累…反而用腦想到好多事情, 所以我係佢睇大結局的時候我已經訓左了……