呢兩日都無哂心情寫日記, 男人的心情有時都會好似女人咁....有幾天唔方便, 不過今天心情肯定不好....因為我妹俾人呃左....

佢今日打俾我話我知買左兩條gucci電話繩, 不過唔識分真定假!?跟住我話去出面二手店鑑証下, 佢就話如果俾人話假, 自己咪好"魚", 我話咁都無辨法架, 鬼叫你唔識咩....之後佢俾左人地條link我睇, 我只可以話點解咁多個人唔揀, 你偏偏選一個呃人的來買....不過今次呢個教訓, 對於佢來講都係一個幾慘痛的教訓, 成2000元, 不過我想她經一事, 長一智, 希望佢真係可以大個女, 以後唔會俾人呃啦....

今日同老婆聊天, 不過佢仲未好番..病左幾天, 真係好擔心佢個病會影響到身體, 如果過埋今日佢仲未好, 我一定唔會就咁算...一定捉佢出黎睇醫生...有時聽到佢咳, 又真係唔想傾落去, 因為佢好似好辛苦咁....但係自己又唔想唔傾....自己係唔係好自私呀...好似將自己的快樂建築係人地痛苦的身上...