尋晚好夜先訓, 今日下午先起身, 本來係床上面轉來轉去, 賴緊床, 不過家姐唔知點解會返左黎, 仲要一返黎, 就嘈住哂, 邊到訓到呀, 訓到都唔係人啦.....係豬!!!

今日因為姐guard個日, 升仔無去, 所以姐希望一家人影多次, 今次的取景是城大...其實每次家姐著起件學士袍, 我都想到好多野...想下自己呢幾年, 想下自己幾時先可以好似佢咁....不過就係想....只係可以唏噓一番, 對現實都無咩幫助~~

影完左相, 我地去左行街, 年初一的街道上真的比較冷清, mk的路上行人就好像平時凌晨的一, 二點似的...今日無去行鴨記...聽日一定要去番....今日爸媽嘈....爸今次我都唔幫佢, 因為咩叫自己喜歡, 咩叫一家人, 我玩左幾年....我先知咩叫一家人, 一家人就係你有事, 佢會第一時間來, 佢會第一時間幫你....唔係有事鍾無艷, 無事夏迎春.....