…………11點的韻C…………

            11點拍完片後，同韻C一齊搭荃灣線，過程有大半個鐘，我地傾左唔少話題！

            講真，同佢傾計，雖然唔可以講得上係輕鬆舒服（因為我唔係太慣面對面咁同男仔傾計），

           但係就好開心，好安慰……

           其實，響我心目中，韻C係個好神秘嘅人，我好似永遠都唔會知佢諗咩咁……

           不過，近排同佢嘅相處中，我覺得佢係個好人，好理性，好有生活智慧~

           唔知，我咁諗係有無錯呢？

           好奇怪，響我被gloria同阿lui冤枉之後嘅果日，聽到韻C響30X bus上同我講，

           話唔明大家都係同一班，點解要咁做果時，我真係好感動，仲好想喊……

          其實，果時我已經知道怪獸同MAYMAY都相信我，

          當然，我係好感激，不過，就唔會話感動……

          至於，點解我會到依家都仲為韻C相信我而有所感動……

          主要原因應該係事先，我真係完全諗唔到韻C會相信我，

         就算真係相信，都唔會開口同我講返gloria姖地做得過份~

         所以……………………………………

         自從果次這後，我對韻C就改觀啦~~~亦都多左留意佢，

         發覺，一直以黎，自己都誤會左佢，原來佢同我想像中嘅几唔同下！

         不過，唯一唔變嘅係，佢都係咁理性知性~好識諗~成熟~

         今日，係由識佢以黎，傾得最多心底話嘅一日。

         可以聽到佢講咁多心底話，我真係好……好……好開心！！

         不過，就算係聽完，我都係唔係好知佢諗咩咖~~

          不得不認，我真係好傻下~~==