我...終於響今日,2009年1月15號,寄左果封成4年幾都未回嘅信啦!

      我...終於....講左出黎啦!!    心情好輕鬆,好舒服＾○＾

      記得2004年7月11號,收到佢第一次嘅回信~

     兩年後,我寫左回信,不過,寫寫下,都係覺得內容差左D咩咁~

     所以無寄到出去!!

     2008年7月,我諗住響佢嘅生日前,寄俾佢,當係個驚喜~

     點知,寫到第5張紙果時,就停左下黎,,,,

     因為,我真係好想同佢坦白我嘅心意~

     但係,始終都無呢個勇氣!寫唔出~

     拖拖下,連佢嘅生日都過埋~~都未回信==

     學期開始之後,可能真係太忙,連諗佢嘅時間都好少~

     令我又開始懷疑,我係未已經唔再鐘意佢呢?

     初頭,我真係以為係咁咖,

     我以為自己真係可以唔再鐘意佢啦~

     我真係好傻!...我不斷都響度穩機會同自己講,

     我唔鐘意佢...唔再鐘意佢...........

     以為自我催眠得多,有朝一日就真係可以停止!

     但原來,根本都唔係咁.....

     次次嘅結果都只係令我更加驚!:

     我好怕自己真係喜歡上一個人,而且仲唔係普通嘅喜歡!

     因為,人越大,就唔會好似細個果時,對愛情有所憧憬,

     因為,人越大,見到身邊有太多嘅戀愛離散~相愛又互相傷害!

     所以,我對愛情又怕,又無信心~

     對喜歡上人嘅自己更係討厭.

     討厭自己為左某人而變得幻得幻失,胡思亂想,情緒化,愛吃醋,無理智......

     但點解,我竟然仲會容許自己喜歡上一個人~

     喜歡上一個已經遠離嘅人.....

     不過..............

     自從,元旦果時返左會城,聽完豬仔講有關佢嘅嘢之後,

      加上,返黎同佢響QQ度傾左一陣計之後,

      我終於明白到自己嘅感情應該何去何從.

      我唔會再逃避~

      嘻嘻....................

      所以,我可以好坦誠咁回信比佢.

      將我一直以黎嘅感覺都寫進去~

      無論佢點諗,點回應都好,我都唔怕.

     因為我知,如果我再唔坦白D對自己,對佢,

     將來我一定會好後悔.

     我既然已經後悔過一次,點解仲要後悔多次呢?

     唔通一直將所有心意埋藏響心入邊唔講,

     就係叫有"經"持?有面子?

     唔係嘅~由我寄左信果一刻,

    我知我咁樣做一D都唔會無face,

    我反而覺得自己好勇敢.

    ＾○＾