農曆四月十四日,即系本個月嘅30號.......
噔噔噔噔,呢個日子就系阿May嘅生日大日子啦!!
響呢度,我就祝妳生日快樂,年年有今日,歲歲有今朝!
最緊要嘅就系生活快樂...健康平安...我想祝妳事事如
意,但相比之下,我覺得更實際同更有意義嘅就系祝願
妳就算遇到不如意事,都可以樂觀勇敢咁面對!!
就算面對D唔多好嘅嘢,都可以笑住去face!!
每日都可以做個 嘻嘻哈哈嘅MAY MAY!!
過去,我倆沒有見面的日子裏,年年妳的生日,我都無咩
點為妳做過D咩........一諗到咁,我就覺得好慚愧...
縱使,今年,我唔可以響妳身邊伴住妳,同妳慶祝,但系,
我都想做返小小嘢.......當然,我自己都好樂意咁做!!
所以,當知道妳收到我嘅心意時所表達嘅開心時,我都
好開心.........因為妳開心,我就會開心.............
好記得,我地響四中嘅日子,有妳地一班好朋友,好知已,
返學變得好精彩,好令人期待!!回憶中,同妳地相處的
日子都系好日子!!大家可以互吐心事...
我仲記得,我地以前都有整喊過大家一次...原因都幾
無聊加...哈哈,結果系我地都分別喊左成堂課...
諗起都好搞笑,我又記得,我果時成日都要妳安慰我加..
妳可以話系我嘅感情顧問呢...仲提供左好多意見比
我....而我就用咩回報妳?就系當人地都唔再講妳同隔
離班阿"柄"嘅"情事"嘅時候,我都仲堅持要講幾下!嘻!
講真,由妳身上,我學到好多嘢,(當然,響KK,彩彩,貞貞
姖地身上,我都學到好多嘢),而更令我深感幸運嘅系,
同妳地相處的點點滴滴中,我好深刻咁feel到珍貴嘅
友誼!!仲知道要去珍惜..呢份友誼....
就算,我地依家個個都分開左,有左空間嘅距離,又有
時間嘅疏離,但系,始終有D嘢,擺左響內心,就唔會咁
容易就被改變....
對於四中嘅妳地系咁,我相信,對於依家嘅好朋友都系
咁.......就算畢左業,會分開,一份真正嘅友誼系唔會
因此而有太大嘅轉變!!我深信,我的親愛的,在多年無
見同無咩點聯絡嘅情況下見到面,我地大家都可以
暢談如昔!!!!
唉.....今日,又覺左D肉麻同有D老土嘅嘢添...嘻嘻!
