Sem 1 嘅 credit 出左黎啦~

      事實上，出左黎果日我系未知嘅，因為我從來都去check過~

      都唔知原來有得check~~

      所以都系班上嘅同學問我幾分，我先知有呢回事~

      未check之前，就聽左佢地幾個嘅成績，

      最高嘅系怪獸，唔記得3.2分定3分啦~

      其他嘅好似都系2點幾~

      不過，我都唔知幾分先叫好，幾分系OK，幾多先系差~

       所以，都無咩感覺~

       果堂就check左自己嘅分，

       -----系3.5分----A A- A- B+ B B

       初頭都系無咩感覺~唔多知D數位同字母又究竟代表系點？

       不過，超唔好意思同班度嘅同學講，

       唉，熟我嘅人就知，當我嘅分高過其他人，我系唔想講嘅~

       點講啫~好似曬命咁~超唔好意思！

       所以，以前呢D情況，幾乎全部都系D老師講，再唔系就系D

       同學去問老師得知~or,同學主動問我。

       總之，就唔系我做主動啦！ especailly，我系唔同成績差

       唔多嘅人講，因為咁樣好似會hurt到人，或者，會搞到我好

       似想同人比較咁~=.= 點講,我都系成年人,唔系小學生!

       不過，當我果分超低 or 唔 pass，我反而會第一時間同人講！

       一D唔好意思都無~

       無奈嘅系，響呢個變態嘅社會，我嘅行為都極度變態~

       好似，一有機會就要證實我講嘅嘢唔系太話~

       我話我考得唔好，應該會唔pass，

       無論我點講，幾乎都無人信！

       所以，唯有成績出左黎先可以證明我無講大話！

       有D朋友咁覺得，可以原諒，因為姖地對我真系好有信心！

       同埋覺得我系要求，眼光都太高，所以考得唔錯都會覺考得差~

       但好多人就唔系咁諗啦，佢地梗系要將我嘅嘢諗到好陰謀論

       先可以安心訓覺~       唉~

       香港就系一個咁嘅社會啦！ 學習！成績！錢！ 

       總系覺得響學習上，我講真話，D人就會覺系大話，

       我講假嘅，人地反而願意聽，願意當真！

       但有時又難怪嘅，因為事實上，真系有好多hardworking嘅

       人扮lazy，想人地覺得佢talented！

       咁中意扮，唔好返學啦，去拍戲都得啦！

       實拎金馬獎！！

.   ......................................................................

       所以,我依次都無講,只系阿囡坐響我隔離,見到我嘅分,

       之後,就講比怪獸同Gloria聽~

       then，我唔想見到嘅情況就發生左~

       阿囡第一時見到，竟然響果個超短嘅時刻，唔覺意露出個

       我好難形容嘅眼神，怪獸知果時都系，不過，佢嘅就無咁勁~

       唉~只得gloria知道後，比我feel到姖系替我開心~

       又唔系開心嘅，總之起碼唔系唔開心囉~

       。。。。。。。。。。。。。。。。。。。。。。。。。。。。。

       感覺，無論平時交談幾好，一牽涉到成績，利益，人心就難免有異！

       阿囡話，姖tip中左我同怪獸系最高分嘅，仲話我擺明VC有天份~

       聽完，我有D傷感~

       唔知有無人明我呢個咁反常嘅情意結？