.....................................................................................................
.....................................................................................................
已經有好耐都無上QQ，就算有都系隱身嘅。。。。。
目的為何？都系唔想咁快就同返佢講嘢，我覺得，如果
大家都太易同到對方講嘢，唔系一件好事！
雖然系咁，但我次次上Q，都有留意佢有無上~
好多時候，我見到佢上，都有“消除”隱身嘅沖動，
好想同佢傾下，心諗，一下下就好~
今日，遲疑不決左好耐，最後都系忍唔住，上線左！
不過，10幾秒後就落左。。我諗，咁耐無傾過，佢有心
傾嘅話，一見到我上，都應該會好快@我..所以,差唔多
20秒後,我就OFF左........過左幾個鍾, 我再上返,
見到佢仲響度,所以,再試下上線,睇下點.....
點知,好快佢就@我啦,好開心!!
之後,好和平咁同佢講左學習近況果D~
時不時我都會快樂都笑左出黎! 真系真系好開心!
聽到佢話佢有一科考試拎A-,自己都開心起黎!!
覺得佢真系醒目啦!雖然,口硬,點都唔會向佢直接,
但系,我真系一直都覺得佢叻咖,唔知佢知唔知?
應該知啦~嘻嘻!
。。。。。。。。。。。。。。。。。。。。。。。。。
今日,佢用左一個新方法同我傾,就系響適當嘅情況,
好快咁,直接用返我之前講過嘅嘢黎回應返我..
唔知,咁系未代表佢好留意我講過嘅嘢?
anyway，我會當系，因為咁樣令我更加開心！
。。。。。。。。。。。。。。。。。。。。。。。。。
發現,到依家,想要放低一個人,真系唔容易~
有時，自己真系以為已經放低左，
點知，事實系從未放低過！
唔知，我系未真系咁長情？真系太長情呢？
不過，到左依家，我已經嘗試學會，唔會太在乎
你會唔會同我一樣，有相同感覺，相同想法！
因為，你點諗，系我點估都唔會知，
你點諗，都改變唔到我心意！
我成日都覺得，愛嘅開始同結束，唔會取決於
你所愛嘅人，而系取決於自己！就算對方唔中意自己，
對方另有意中人，or對方已經結左婚都好啦，如果真系
愛一個人嘅話，呢D通通都唔會成為你停止愛姖嘅理由！
。。。。。。。。。。。。。。。。。。。。。。。。。。。。。。。。。。。
。。。。。。。。。。。。。。。。。。。。。。。。。。。。。。。。。。。
| 
