|
|
2007 年 7 月 11 日 星期三   |
keep in touch!  |
好開心呀今日,點解?......................?
因為今日同三位親愛的心心,波波&玲玲電聯左一番囉!!
之前仲系成個禮拜都無電聯,一聯就可以咁...呵呵!
最難得梗系cary仔主動打黎啦....(先旨聲明:姖之前唔
系無打過黎...所以,我話嘅"難得"無數姖嘅意思哦!)
同akita,都系"情話"綿綿咁,講左好耐!!果然系吹水大王!
另外咧,就系今日叫老豆比&返鄉下,成功取得滿意嘅數目!
最後,聽日就系復診嘅日子,應該會有好結果!＾○＾
雖然今日祥仔叫我不如等埋佢星期一大家一齊返去,不過..
我咁獨立,佢又唔系唔放心我,大家又系各玩各嘅,實在無咩
必要去等埋佢返,so,我都系諗住依原計劃咁,後日就返!
<<惡作劇之吻>>雖然系第二次睇,但都系咁想追看!
江直樹當然都系咁完美啦....!!!<<魔界女王>>都好睇!
應該差唔多ending,我真唔想miss any 一集!!
|
| 2007 年 7 月 10 日 星期二 |
| p.s words! |
倒數啦.......進入3 2 1 嘅倒數lu............................
再過多3日,就返鄉下啦..........呵呵...希望唔會再有咩阻滯啦!
今日嘅成果有:整左兩張ps相,再加上幫阿May家姐整嘅ps words!
我自己就好滿意下＾○＾.............
其實,都唔知自己有幾想返加,只系呢幾晚都發有關鄉下舊相識嘅夢!
不過,同依家嘅"親愛的"就聯絡少左囉...無咩點打電話,更唔使講
系出去玩啦..........=.= 唉,都無人聯絡我嘅...555 |
| 2007 年 7 月 9 日 星期一 |
古代咩,咩思想呀!!!  |
啱先食飯果時,無拿拿兩老走黎同我提咩結婚嘅話題!
首先都要讚下佢地試探嘅方法先,第一步就拎表姐出
黎開路,話表姐遲D會結婚,仲要去渡蜜月添...然後,
就話表姐問我點(感情方面)...then又話表姐外國果
度有兩個好男仔....一個就有水頭射住,另一個就啱買
左屋...都系大學生窩...都聽話窩....土生土長窩!!
唉,老人家嘅舊思想又發作啦,專發埋D美國夢..外國夢!
我話我唔中意太聽話嘅男仔,阿媽話我唔通中意D吸白粉
嘅男仔...我話我中意嫁外國人多D,老豆話土生土長嘅都
系外國人...唉,話不投機,0.1句都嫌多!!!
系人都唔中意太聽話嘅男仔啦....醒目都有限!將來嫁左
比佢,都要預左佢會幫家人多過幫自己囉!太聽話,都唔會
太 浪漫囉.....1億個唔啱我!!
大學生窩,外國嘅大學生多的是...都唔系咩回事啦!
如果你話系靚仔就差唔多,不過,我一講靚仔,阿媽就會講
D阿媽話加啦...咩系阿媽話....諗都諗到啦!!!
講黎講去,咪想出去外國住!!雖然外國住又真系唔錯!
但系,你地都咪先指意我會為左咁而放棄一生嘅幸福!!
門都無呀!!佢地一定唔知自己個女系咩人!!
我呀,擇偶條件唔系:有$嘅好仔........!!
有D錢嘅聽話仔,有唔少,唔通就嫁曬比佢地咩?
最緊要系兩個有啱唔啱key,相唔相愛!!
何況,你地嘅女系幾咁追求真愛!!絕對系一個
寧缺勿濫嘅女人....假如比佢地知道我有咩
唔想結婚呀,同居呀呢D念頭,佢地一定嚇親!
唉....老豆話,佢唔指望靠仔養老(咁佢又諗得
好啱.......事關阿哥,自己都有左頭家嘛~)
所以,兩老都系靠我養加拉........so,希望我會
嫁去美國,過下佢地期望已久嘅外國生活窩....
唉.....結婚話題真系好煩.....
真希望,將來嘅我可以做個女強人,可以穩到$!!
咁就可以用$幫佢地搞移民啦...咁就唔使煩!!
|
?  |
今日,又見到佢啦.........仲同佢傾左好耐下添!
我,自從果次心思思之後,我就覺得同佢系好朋友.
應該唔會再發生咩specail嘅情素!!
但可能,4年嘅感情都唔系話放就放得曬,再加上,
好似我同佢果D一向都?嘅感情就更加難講通啦!
雖然唔會再有咩發展,但系我信我地都會將心嘅一
角長留比對方嘅......咁講,有D唔知shy 添＾○＾
雖然,大家無見5年,我又無去同學會,但系,我覺得
彼此無咩點變....佢呀,都系咁有自信,都系咁醒!!
講起呢個,就有排講啦,今日呀,呢個人就為左唔輸
比對方,細細地吵左好耐下囉,連阿May都唔好意思
留低添...姖話,唔想做電燈膽woo.........
見完姖呢句之後,我竟然面紅添.....自己都唔知自
己搞咩呀.....唔通自己都唔清楚自己諗咩??其實
我仲好好在乎佢??定系如我自己諗咁,我地無咩嘢?
但系面紅呢D自然反應又好難扼到人啵....
心呀心,陸大小姐嘅心,妳真正嘅心意究竟系點呀?
........................................................
無論點都好,我都好enjoy同佢呢種相處方式!!
耐唔耐就上Q傾下,時不時就吵下嘴...嘻嘻..
我,其實上Q,無論遇到咩人,都好少同人吵,
但系,唔知點解,一遇到佢,就不期然咁吵起黎lu!
嘻嘻...依家諗返起都好想笑呀!!
不過,有時都唔知好嬲定好笑加,因為,佢口才都
好好加,所以,更加唔想輸比佢,不過,我多數都處
於下方,唉...唔想比佢蝦到呀,我想我響佢心目中
系一個有腦嘅醒目女呀...雖然,我知佢都會覺我
OK叻女嘅＾○＾...........
嘻嘻,其實,又使咩擔心佢點睇我啵,話曬,都系佢中
意我嘅,我就唔信佢會唔覺得我好...........系未?
|
| 2007 年 7 月 8 日 星期日 |
today without boredom!  |
今日,唔算過得無聊...呵呵,因為,上QQ群
傾左好耐....雖然,大家無見好耐,但系,都
仲有好多嘢講....雖然,大家都只系坐響系
打字,但系我覺得大家好似面對面吹水咁!!
一D都唔覺疏遠,大家成日都響度鬥咀添!
唉,好羡慕May may同彩彩今日可以響會
城聚聚!!唔緊要,下次咪輪到我囉!!
今日嘅成果1系:初步約定左系某個星期六
會有同學會!!
成果2:終於整返我嘅相薄啦!!
|
« | 28 | 29 | 30 | 31 | 32 | 33 | 34 | 35 | 36 | 37 | ... | 74 | »
|
|
|
seline |
|
|
暱稱： gReEn^.^
性別： 女
國家： 香港
地區： 東區 |
|
MORE...
| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
:: 最新日誌 ::
  
:: 日誌分類 ::
:: 我的好友 ::
:: 我的連結 ::
:: 站內搜尋::
 
 
 
 
 
|
|
