在年初五,我同教練,阿權,明仔and佢條女,大笨象,同林冬菁一起去廣州玩
首先我地搭車去到我地入住的"番禺賓館"
嘩一入到去,同到裏面有個大水塘,超靚,之後,入房
都ok 幾好
跟進,我地成班人冧住搭地鐵去長隆動物園玩
點知,個地鐵站鬼死咁遠,就好似大佬送老雯返屋企一樣
由新城市到沙梨頭一樣咁遠
之後,去到動物園
嘩~~~~~超多人
跟住我地買左非入左去,
一入到去就見到小智之前買的獅子帽
我二話不說地買左佢,因為太得意la
跟住,我地想去睇睇中國國寳"大熊貓"
但係超多人,如要排的話,要再個熊貓館前20米開始排隊,但我地見到咁多人,就走了
去後去左睇樹熊,超得意,佢地傻下傻下咁,超好笑,但佢地是超懶,好似玩"紅綠燈"咁,一d都唔郁
之後,見到大象園,我就沖過去
突然我發覺,點解d人突然行開?
我心冧"佢地睇完掛"
點知,原來隻大象向我果邊噴水,所以d人走開
嘩.我當時,腎上激素突然飆升
我用盡我生平的力量去跑,
哈,我以為一定走得甩
唉,點知"道高一尺,魔高一丈"
點樣都係比佢噴到
之後去左搭旅遊火車
見到d 老虎,獅子,斑馬....
之後就走左la
去左食晚飯
我地班人,分成兩邊人去食
班女仔去左食壽司,班男仔去左食重慶酸辣粉
超大對比,班女仔在二樓槍邊食,向下一望,就可以見到班男仔在食大排擋
形成出一個,好搞笑的情況
去到那裏,個老板娘問我地食咩,
講完食咩後,佢問我地要咩辣,
阿權要左唔辣,教練要左少辣,我心冧,我在澳門都食到小辣喎
咁我就要左少辣
誰不知,果碗粉上面超多辣油,我就咁聞一聞己經在咳
跟住我食左一啖,吞左落肚
嘩,果d粉就好似一把火咁,由口燃燒到食道,再燃燒到個肚
超辣
跟住我望下教練,我見到佢食到津津有味
我就同佢講你食埋我個碗粉la
之後我就去左食壽司
食完後有人提出去按腳
就係咁我地就去左按腳la
就好笑的事就開始發生la
part 1 完
分類: 未分類 |
