是咁的，自從三月開始無做野，
幾乎每日除左食飯既時候，絕大部份既時間都係生活係自己40尺空間既房入面。
唔係打LOL 就係上網搵工。
LOL 由唔識玩打到上專六，一日可以打廿幾三十場，真係打到人都痴線。
日夜癲倒，可以打到朝早9點10點先訓，下就5點先起身。
聽落好似好爽咁放大假，但係真心一D都唔好受，
開頭係幾過引既，打到左一個月之後，身體適應左咁夜訓，E+ 幾多點都唔覺得眼訓，可以眼光光望天光到天黑。
黑眼圈明顯過熊貓。
有人話「未當放大假囉」。唔係想話自己工作狂，而係作為IT狗，懶左個人就好容易脫節。
會變得唔想睇Code，唔想寫Code !
眼見三月到到都開始請IT 狗，
不斷Send CV，寫介紹信;
由開頭無人睇，到之後不斷見工;
由開頭口疾疾，到之後無所諱懼;
本身唔識用英文介紹自己，見工見到可以用英文溝通。
話就話有幾份工想請，甚至都做過一個星期 (你懂的) 。
一萬，萬二 ( both 12個月糧) 你地都開得出，真係當我係岩岩畢業生走出黎搵飯食?
大佬啊，隔離某朱古力店都請緊 萬2蚊(13月糧) 做店員啦，人地仲要初中畢業就得..
見工見到五月，真係可以兩個星期無sd過mail 咁濟。
個個都請曬d 廉價新仔大學畢業，仲邊有人理你識d乜野。
雖然唔可以話我刀刀利，但係至少我每樣都通。
.NET , C++ , C# , JAVA
WEB DEV , SQL
砌機 , IT , Network
MARKETING , SALES
(本人唔喜歡做Sales， 只係因為開公司戈陣做過所以都熟做Sales 同Marketing)
如果一個商品價值差，當然價格任你舞架啦
咁但係幫到公司既野，點解你地可以咁古寒
真心無野講，一個字，累。
無遇到一個賞識你既人，一切都是扯蛋。
題外: 某保險公司除左sell 保險煩之外，原來請人都好煩，知你無野做就個個星期打比你。
========================================================
聽下歌啦，雖然唔係好關事
Gundam Unicorn - Into The Sky (Eng)
|
