今朝早係落雨天=3=...d雨落下又停下，好煩

搞到君君好晏先黎到我屋企

不過都趕到睇電視

等完食完飯啦，就同佢傾左陣，我又溫左陣書

點知隻衰野又唔肯溫，話要睇完電視先

咁睇啦喎，睇完之後又要玩電腦=v="

終於玩到悶佢就唔玩啦

不過又走埋黎同我玩，而我又俾君君搞到冇心機溫

算了吧....妳係度，我係溫唔到書架啦

到左4點幾啦，同左君君落去買野食，跟住去借書

之後返屋企，佢就食野，我就繼續溫....

嘿~跟住又係同佢玩，又再一次冇溫

咁索性陪佢玩，唔溫住@3@

6點3啦...要同君君去搭車啦

係車站傾左陣，等到有車，goodbye kiss之後就上車啦

今次我快過君君返到屋企=v=~

我地傾左陣，我就去沖涼，沖完又食飯啦

食完睇足球小將，好睇@~@

到左9點零，阿狗叫我換定衫，一陣去見工

等啊等，等左好耐=_=期間同君君傾住計先

到左10點咁啦，阿狗打黎，我就出門口啦

o~見到狗爸，佢就帶我去啦

一去到填下野，講下野啦

果個經理同君君一樣，都係姓蔡

見佢幾靚仔，好後生咁，點知講野好長氣=v="...

佢不厭其煩地提左我同一樣野5次

係度同佢傾下計咁，聽佢講下野

都差唔多有成大半個鐘

搞掂晒就走得，聽日返工@3@

朝早要早d起身去搞存摺先得啦

仲要樣野，就係「遲了的日子」，終於都到左啦

妳說，值得慶祝嗎?=v="