晨咁早，10點半起身，就睇feel 100%

未睇完就食飯@@....搞到同君君冇乜點講過野

因為佢要出去食野啦

食完飯之後，好眼訓=3=....

就去訓喎，點知訓左好耐都訓唔著

之後傻下傻下咁就訓到3點

咁就起身開電腦，因為君君話3點前返嘛

開左冇耐，就見君君online啦，真係岩啦=v=~

傾左陣之後，我就開始溫書

一路溫到6點先溫完

之後玥同君君傾多陣就食飯啦

點知食完都已經8點啦=口=

咁就沖涼啦@~@開始諗住唔沖

因為今日都冇出街，同埋一陣收工又要沖

但都係唔得=_=...習慣左...沖左先出門口

同君君講句拜拜之後，就返工啦

返到去，簽到，跟住有個人問我係未新黎

我話係啦@~@...跟住問我邊條街

我話水街

原來佢都係水街@@

佢俾我既印象係....相貌一一一一一般，依家放左工冇耐，我已經唔記得佢咩樣啦

仲有，佢好好好好多無聊野講

佢都係叫阿麒@@

但同尋日果個阿麒真係極端

佢仲講我聽，係水街有3個都叫阿麒

唔知我尋日係未同最後果個阿麒一齊做呢?

一開頭，佢係咁講野=_=...都真係幾煩下，仲做做下唔知去左邊

我就冇理，繼續做自己野

做啊做，愈做愈晏=口=...

1點幾，阿狗打黎，問我收工未

2點幾，仲係上緊架

3點幾，仲處於一時上架，一時拉架既狀態…好掛住君君

4點半，執好d野，cheak貨擺好未…好掛住君君

4點9，走人…好掛住君君

=/\=救命...做到差唔多點先走

攰死啊，仲唔小心界親手指添@@

跟住即刻去洗手

雖然知流血唔好洗=_=見對手咁污糟，梗係要洗手啦

一洗...d血係咁流，用左幾張紙巾止血，都係止唔到

算啦...唔止啦，就咁用膠布貼住就算@3@

冇耐成堍膠布已經紅晒，但冇理到

到左放工果陣先換過張

返工到放工去7仔之前，一滴水都冇飲過

早知係未收機之後買野飲啦

攰到死，都唔知點解今日咁多野做

尋日明明好輕鬆

返到屋企，坐左陣，就沖涼啦

咁跟住打日記啦

依家差唔多打完啦，已經6點1

君君未online既=3=....算啦，去訓啦

仲有大約1個鐘頭時間俾我訓

訓醒就見到君君架啦