尋晚應承左君君，夜晚做左D乜都要打俾佢

但點知自己冇起到身，一訓訓到天光

咁10點咁上下果陣，君君喊住咁打黎T/\T

開頭以為佢係唔想去打針，點知原來唔係

而係阿狗鬧佢=口=死仔，搞到我君君喊

君君收左線喎，我咪打俾阿狗，問佢搞過咩黎

問完打返俾君君，仲係嬲緊-3-...係咁話憎死我

傻妹=3=係有時同妳嗌交，同阿狗訴下苦果時，先同佢話下妳煩JA

其實，妳點會煩到我啊，我好愛妳架嘛@3@

之後，好彩君姐姐幫我氹返佢

咁呢，之後君姐姐問我陪唔陪君君去醫院啦

咁梗係陪啦@3@

啦啦林換衫出門口

上到車，君君仲係有少少嬲

跟住唔記得點啦，我就話佢成隻貓仔咁

其實平時都覺，咁就叫佢貓君@3@

然後呢，去左元朗食野啦

食完就去醫院

第一次同君君黎醫院

1點鐘黎到，一路陪住君君，陪到5點咁上下呢

君君聞到D飯味，嘔啊，仲成身震晒@@好心痛T/\T....

6點零，就要開始抽血打針

君君又喊，又話要返屋企

但唔返得=3=...辛苦多兩三次啦，咁就唔洗再打架啦

君君D血管幼，吉左4次先至打得好個位

吉一次，心痛一次T/\T

又係咁嘔喎，唉......

平時剩係聽佢講點樣點樣，都已經知佢辛苦

今日親眼見到，先至明白佢點解咁唔想打針

我自己見到佢咁，都想佢可以即刻返屋企

之後JACKSON哥哥黎左啦，即係君君姐個男朋友

佢係度睇金田一^^"....

打完第一支藥，又要換第2支啦

第2支要一直打到天光，唉....心，更痛T/\T

期間，君君又嘔，慘...

平時跳跳紮既君君...依家講話野都難

坐多陣，君君就好乖咁食左少少麵包

之後就訓左陣

8點半啦...夠鐘走啦T/\T

等君君食左D訓教藥，我斟左D水俾佢之後，就走LU....

好唔捨得，好想成晚陪住佢，自己一個成晚係病房度，好慘架嘛

走果陣，俾左個啜啜佢

之後就同君姐姐，佢男朋友落CANTEEN食飯

雖然好肚餓，但都冇胃口食，係咁意食左D

之後就坐君姐姐車返屋企

返到屋企係10點咁上下啦

打左俾阿狗，嗌左佢出黎

叫左佢唔好再鬧君君

下次仲係咁，兄弟都冇面俾

因為我君君病左=3=唔可以激親佢(但我自己成日激佢=V="...要改啦)

然後呢~同佢落7仔買D野飲，坐左陣就返屋企

返到屋企沖涼@3@沖完就開電腦打日記啦

好想念我的君君=3=...努力堅持，我會陪住妳

我愛妳