尋晚，自己衰貪玩，玩出禍

夜晚阿狗落左黎，過左陣就同左阿狗落去

開頭冇乜野做，都係周圍行下咁

點知去到聚星樓坐左陣，冇耐就見到阿大

咁我地3個呆左陣之後，阿大就返屋企

我同阿狗仍然冇野做

過左唔知幾耐，就同左阿狗去踩單車，就出事了

開頭係天水圍兜下咁，去到左好多方cc"~

之後見冇地方行，我地就諗住踩去元朗

踩到中途，唔知自己做乜，好似有一段時間個人呆左

咁就發生左「交通意外」啦(交通意外係阿sir講既=_=")

其實係我自己呆左，見唔到條柱，跟住撞埋去

撞完之幾秒我都唔知咩事，直至阿狗走埋黎，話我流晒血，我先知「炒車」  (君君唔鍾意炒車呢兩個字)

超~流血ja，少事啦=_=....但點知，搞到阿狗件衫紅晒仲未幾止到血

整親左滴水前面同後面，好似爆開左咁=_="...有兩條縫

同埋feel到耳仔入面都流緊血

真麻煩...止極都止唔到

好彩，果度近住大橋街市，咁我地就去左7仔買野止住血先

之後係大橋門口等阿大...

有一段時間都止左血，係流少少

但上左阿大車之後，又開始流，幹.......

咁阿大仲要車埋d牛牛去良景，所以我同狗就坐埋車去

雖然冷氣較到最細，但我就凍到係咁震，又想嘔，但好彩~我忍到

之後阿大話送我地返天耀先啦

途中，阿大問我去唔去醫院，我話唔去=_="....

因為阿狗頭先講話一定要縫針，所以我死都唔肯去

過左陣，我就黎訓著左

聽到阿大話「聯針」，我就即刻舉起手係咁揮話唔去~哈"

原來係我聽錯，阿大係話食煙

之後阿狗送我返屋企啦

返到去，阿媽就醒左睇我咩事，佢話要嗌白車=_="

算吧...既然妳都要我去醫院，沒辦法了

鬼叫自己曳

之後係白車都訓著左，訓左陣，個頭都冇咁痛

去到我即刻話去廁所=v="因為好急，唔鬼理傷口啦

出到黎就有隻四眼龜問我發生咩事

好求其答左佢之後就見醫生

見完又轉見第二個喎

咁呢，cherk左陣，就要我去照x光啦

因為耳仔入面好似真係流血，又唔知有冇震親腦啦

同埋我鎖骨、頭、膊頭損左

等左好耐@~@...終於到我啦

咁就入x光室啦，入到去個人叫我除衫

神經病的=_="...間房咁凍叫我除衫，仲有除晒添，我著住兩件仲覺凍添啊

但唔除就照唔到，唯有就範...

好凍>w<...

之後就返去坐住等，冇耐，x光室果度又叫我返去照多次

你真是有病的...但好彩，今次照頭ja，唔洗除衫

照完之後去第二間房等

一入到都係量下血壓咁啦，跟住嗌我等陣，一陣有人幫我洗傷口

等啊等....幹，等左幾粒鐘，邊有人黎洗傷口

我d血就又流血黎，不過少少ja...好心俾塊膠布我，我自己搞掂啦=口=

等到9點，終於有個姑娘黎幫我洗傷口啦

好痛@口@...之前點整個傷口都唔痛，但點知耳仔入面個傷口痛

好辛苦哦=/\=仲洗左好多次添

但都係痛一陣，總比鎖骨同頸好，鎖骨同頸痛左好耐好耐

我個頭就側向左邊，因為扭親嘛

洗完傷口貼好野之後，就同媽落左去食野，食d唔好食既粥

期間打左俾君君，掛住佢嘛，順便想問佢學校電話，要打返去請假

點知係君君姐聽電話，佢講左我聽學校幾號電話

話君君仲未訓醒

點知左陣，君君就打返俾我啦

嘿嘿=v="講左俾佢聽入醫院之後， 就俾佢鬧

對不起哦，下次不敢了

之後返病房，返到去冇耐，姑娘就嗌我去日間醫療果邊

見個耳鼻喉醫生

去到又係等，等到我都訓著左

我諗自己都訓左成個鐘，跟住媽先叫醒我，話到我見醫生

入到左我仲係好眼訓，但個醫生行埋黎幫我cherk耳仔果時就知佢係靚女

雖然佢戴住口罩，但我feel到係靚女=/\=

cherk就又去洗多次傷口 @口@....呆了

洗完之後，聽個醫生講埋d野就走得了

下個星期要返去覆診

之後返屋企，返到去就打俾君君啦

冇耐佢就過左黎陪我啦

(累了，訓了，仲有d聽日先打)