睇返上一篇日記既日期，係5月頭

原來唔經唔覺已經成個月冇打日記

唔知點解好唔想打日記

但今晚又想打=____=

今晚咩事咁好興致?我都唔知

但呢一個月好似過得好慢咁既

係龍威既日子，唔通真係咁難過?

諗起以前最初做果時

成日都同煜哥吹水，剩係聽佢講野都笑死

依家?要係龍威一日笑一次都難，悶死人=~=

今晚又落雨，人都down晒

今個星期四或五龍哥話食飯

加人工仲好啦=口=食飯喎，我呸!

曬我時間不特止，仲要悶到我飛起

果昡實行癡實錦爺，如果唔係我真係會食食下就走

勁唔想去=~=不過龍哥竟然記得上次食飯我冇去

又唔見你條彈散記得我有做過幾多野

真係粉你條腸啊

呢兩日返工有好有唔好啦

唔係多野做，不過真係係龍威練出十八般武藝

除左整車，真係有好多唔關事既都要做=口=唉...

已經對左大基成幾個月啦，對到慣晒=___="

遲早我都變到佢咁木獨咪死

不過冇計...係龍威係咁

呢個月同我小君君相處得好好@_@

已經少左好多嗌交

相親相愛嘛^ - ^

依家真係日日都會俾君君搞到我笑幾次

就算係d好平常既野，但係係佢做出黎既

我都會笑到收唔到聲~嘿"

君君實在係可愛有趣啦^o^

依家小君君訓左啦

嘿~我唔會講妳聽我打左日記架

睇下妳自己幾時會上黎啦^ - ^

玩多陣就嗌醒妳個o靚妹刷牙

齊齊訓囉

已經同君君一齊訓左好多晚

呢個月，好似成4分3個月都係同妳一齊訓

係未呀?定係多d呢?

我都唔記得啦

同妳一齊，開心就可以啦