嘿=V=~笑下先
依家心情平靜，但都笑下先
上星期日，低B黎我家，睇我執屋...
死傻婆，都幾搞笑，會睇D車書
但執左一陣就唔願執
一齊睇女王的教室
但未睇完佢就要走了T/\T
送低B搭車之後，同鄧榮榮買M記返屋企食
係度睇片-_-搞笑
THEN洗車打臘，GO TO 黃金海岸
去接玲姐
期間有雪糕車，買左3杯雪糕
唔知係未開心，特別好味咁
下一站朗屏
5點幾，佢地問我一唔一齊食野
諗左陣，就話好啊...可能太攰，訓著左
當訓醒，發覺好似係收費站度咁，冇理，又訓
訓著覺得好熟，問一問原來係荃灣
傻的=_=食飯JA，去到咁遠做咩
去左一間叫 霸王山莊 既食
好味@_@
之後行左陣，我買左本 奶周
跟住就行去果個有俾車用既LIFT既停車場拎車
不過走果陣，已經唔見左部自定車牌既ROYCE
第二次咁近距離見ROYCE，雖然唔靚，但貴嘛-_-
THEN回家沖涼睡覺，美好的一天
星期一，上午冇做野，阿SIR叫我地溫書
隔離左右D豬朋狗友勁煩=口=係咁係度傾計
嘈住我溫，不過都好玩
依家熟左，LV勁搞事，成日搞肥仔峰個波，個個都笑
THEN好似11點就放LUNCH
我一句不如係學校食埋先出去打機
班死仔話好=_=點知因為D野難食，屈鬼我
勁搞笑，不過我叻嘛，梗係窒返佢地
返到學校測驗，嘿=V=~SO EASY，溫過書嘛
依家諗返起上兩個星期都OK好笑
朝早冇食飯嘛，買左包返學校
我由1點4、5個字，食到好似4點左右
阿SIR笑左我幾次食幾個包都係咁耐
冇計啦=_=又要聽書又寫字又要食，邊有咁多隻手
返學，時悶時開心^++++++^
星期二係傷心的一天
返工果時，見到隻臘腸狗死左/-\
我平時朝早經常都見到佢...
可能俾車撞死，同低B講，死低B叫我同佢做人工呼吸=_=暈
而呢幾日，都見唔到佢主人出黎放另外果兩隻狗
星期三夜晚，俾人鬧
夜晚食飽飯，係梳化訓係度睇電視嘛
睇睇下訓著左，又冇打電話俾低B
到左11點幾，低B打黎，問我做緊咩
我話係梳化訓著左，未沖涼
俾佢鬧到暈=_=都諗住起身沖涼架啦
點知收線之後，有一道好溫柔既力，將我推返落梳化(我諗係周公個女)
咁又訓著左，我記得係發左幾個夢，但唔記咩夢啦
訓到朝早6點幾醒左先沖涼食早餐返工
講到返工今日都算威啦=_=細基再次挑戰人體極限
整親條腰都繼續做野，自己一個整傾鞭，裝埋兩邊軚等等....
何來的力量=口=唔係參加選舉果個 何來 ，係 邊度黎既 意思
收工冇踩單車，因為小洪嗌我去買六合彩，又諗住要入票
咁就坐VIP車
期間同低B傾電話，一齊諗買咩NUMBER好
結果，中左一個字咁大把，財散人安樂~好事@V@
晚上，同低B傾左好耐電話
又係俾佢鬧=_=嗌我唔好再訓梳化
其實都唔係成日訓JA
都有傾其他野，又了解對方多一點點
都好開心
低B今日好叻，田徑拎左好多獎，3個金牌1個銀牌
6點幾打黎同我講
佢話係未抵錫呢，我就啜啊~咁，搞笑
THEN~沖涼，打埋日記訓
呢幾日都好攰，真係腰都斷
阿狗冇事，唔洗入沙嘴
不過就要守噹噹1年=口=朝6晚9
那麼...以後當我不開心的晚上，誰來陪我
依家諗起都真係OK大件事...又暈
依家發覺，未來既野，太簡單啦
以後既事，留返俾以後既我去諗
依家想做就做，唔需要諗D唔開心既事
我拍的@v@美嗎
有早幾日係公司影既白玫瑰，好靚
係黃金海岸既漁池
日出既天空
鄧榮榮揸車樣
但D相怪怪地=_="睇唔到要右CLICK顯示圖片
唔識整/口\
|
