朝早5點幾就起左身啦，幾早啊
跟住沖涼，出門口
係屋企都打唔到俾邱同UNCLE，搞錯=口=
點知原來佢已經到左，勁離譜
最遲果個係傑佬
跟住等左超耐車先上到
差2分鐘遲到
之後又搭車搭車搭車，勁辛苦
最憎搭咁耐車= =仲要唔開心搭添
唯有逼自己訓
不過搞左好耐先訓到，因為果個導遊好麻煩，係咁係度講野
佢差唔多講成個鐘，離譜
咁呢，去到虎門啦，督周圍睇野啦，唔想講太多啦^^"
然後LUNCH食飯果，好好玩
10個男仔坐埋一枱，D餸清得超快~嘿嘿
係咁同傑佬，肥周，周周講笑，又望女~嘿嘿
之後返香港啦
果時就真係訓唔著啦=口=淫柱同UNCLE佢地係咁係度嘈
講遊戲王講左成個鐘，講到落車=口=
我就係度俾佢地嘈住左成個鐘
傑佬又訓教
搞到好悶，又冇啦啦係咁諗野，搞到又咬手
咁呢，搭77返天水圍果陣，淫柱拎左包煙出黎
咁咪問佢拎返枝^^"
落完車同佢一齊煲，又去左天慈搵狗狗
去到天慈啦，決定左同狗狗佢地去唱K
同柱SAY 拜拜
去千葉啦，見到阿偉同長毛係度
原來阿大去左屯門同D女食飯=_=
咁我地幾個係度傾計啦
長毛就係咁想搵工，唉...佢個樣樣勁失落囉
我之前都係咁，都好想搵工，不過依家唔諗住LU
過左陣，阿珊打俾我
以為佢又叫我陪佢啦
原來唔係，係叫我陪佢個FD
佢個FD係天水圍，又唔係幾識路
咁咪約左佢係西鐵站等
見到了@@開頭問佢叫咩名，佢冇講真名啦
之後同佢係度傾計
知道佢以前同阿珊係大陸讀書果時識既
我咪話我都識珊一個大陸讀者既FD
我咪講出黎，話識左個叫阿彤
點知@@佢呆左
佢話佢就係阿彤
=口=不是吧....我都呆左
妳係阿彤?個樣完全唔同晒
我冇乜理由會唔記得人地嘛
不過諗諗下都覺得似啦
因為佢把聲係同阿珊好似既，雖然瘦左好多，但輪廓似
之後，就一齊返停車場等
等左陣，威哥哥打黎，問有冇女
有^^"跟住又要行返出西鐵站
等左一陣，就見到佢啦
以前坐佢車都好好玩，因為有D舊歌聽，仲聽到好好FEEL果隻喎
但今次冇舊歌了...失望
去到元朗，我、長毛、狗狗、彤去左許留山食野
勁搞笑，幾條友係度數銀仔
數到我同狗狗一共有50蚊銀仔出黎^^"
食完了，俾左果50蚊，加多20蚊就走人
上K房
唱左好少歌，不過有幾首好入肉=_="
如死性不改、ABC君等
唱到咁上下，阿彤話要走了
咁狗狗又走，我都走=口=
坐阿大架新車返去，好逼啊^^"
回到家中
一ONLINE KIKI就嗌我
多謝T3T總係咁關心我
同佢傾左好多野，知道左好多我唔知既野^^"
是什麼?是秘密呢
跟住睇佢SD俾我果個網址
笑死我@@我都想回覆下
不過我未睇晒，已經好眼訓
勁開心@@我會眼訓喎
真係好好好好開心
跟住上床訓，訓到10點幾阿珊打黎
跟住就醒左，上黎打日記 |
