上個星期實在係太辛苦啦=v=
今個星期終於可以休息下
因為試就黎考完，工又成個禮拜唔洗返
咁我就多左好多時間陪君君
講講d辛苦事啦T/\T
我掉左去鑵頭街做，日日都過3點半先收工，慘到啊
一去到就俾狗爸鬧，都唔知發咩神經=_=
阿狗返左黎之後，又叫左我地入倉度，又係度話
話我地vv wet wet，邊有啊，傻既=口=
都懶得理佢
日日返工都俾佢串
成日都︰基，得未呀，咁耐都未執完
幹，你媽的= =再係咁，真係有壓力啊
星期日果晚，2點半就執好晒d貨，以為走啦
點知師兄話要去雪櫃果度點貨
凍到啊，個雪櫃-11.8度
伸隻手落去已經凍到入骨=_=仲拎d貨出黎點，有病的
雖然辛苦，但都有d人對我好好既，例如超哥同賢姐
上星期考試果陣，成日返到屋企食完飯之後訓著左
等唔到君君黎
有日君君同菁菁黎左我都唔知
點知到左4點7，君君冇啦啦坐係我隔離@@
跟住呢，尋日又係咁喎，不過今次佢一黎到就整醒左我
仲有好多得意野，例如君君原來好少食蜆
咁岩我媽就去左摸蜆，咁就俾左一d君君拎返屋企食
仲有尋日同聽君君講左好多，知道左佢一個壞習慣~呵呵
成日同佢一齊，但我竟然發現唔到=_="....
今朝早我5點半就醒左，因為要陪君君溫書@3@
本來約左5點，但我5點半先醒，仲係俾d雨嘈醒，如果唔係都訓到7點=v="
咁即刻開電腦啦，君君已經on左line
佢話都係岩岩先on，佢都係訓晏d，又係俾d雨嘈醒
真係岩啦=v=~
而今日呢，君君同菁菁黎果陣我冇訓著，幾勁
之後我煮麵佢地食=_="但好似煮得太多....
食完就返房玩電腦啦
菁菁玩到2點幾要走啦，咁我同君君就送佢落去搭車
跟住就一齊返屋企，君君就玩勁舞，我就睇書同訓教
之後訓君君同原子筆係我手度畫左隻錶，同埋....cc"~唔講得仲有乜
(我食飯果陣居然唔記得著返件衫，唔知媽睇唔睇到=_=".....)
之後睇左一陣野，到6點幾就送君君去搭車啦
|
