今朝約左老公仔陪我去library, 勞工處同買生日禮物比媽媽...

約左佢10點~搞掂晒,等到10點3左右打比佢,想問佢去到邊,打左3次都冇人聽...

一陣之後佢打返比我,一聽都知岩岩起身啦...!!!

嬲~!!又話會改~又係佢自己係都要約咁早,自己又唔知醒...!!!

諗住唔等佢啦,佢又係都要陪我出,唉~算啦~比次機會你啦~下次唔好喇~!!

11點45分(比約定時間遲了1小時45分),見到佢成隻落湯雞咁跑黎,又成身汗...

唉~算啦~當咩事都冇發生過~!!

搭71A去library還書...佢仲係好濕啊~

佢問我拎水飲,佢居然一啖同我飲晒~!!oh~喝都喝唔住...

去到即刻還左d書佢~yeah~一身輕晒~!!

之後行出去labour department~佢想拖我~唔比佢拖~!哈~!

到左之後搵下有咩新工先~好多診所助護同文員啊~print晒佢出黎~!!

老公仔都搵到好多啊~大收獲~!!但係佢果d全部打電話...

我係果度fax晒所有可以fax既工~希望快d有回音啦...!!

搞掂都3點lu~去食野~!!老公一定好肚餓喇,,,成日都冇食過野...

本來想去澳門街,冇位~於是去仙跡岩...

見到老公個fd同佢女友...

食野,好味~!!不過唔夠飽~

我同老公都話想請對方食雞蛋仔~哈哈~心靈相通~!!

去買雞蛋仔~朱古力味,好味~!!

見到地震...好似成日係大中都見到佢咁既...傾左2句.

去搵禮物比媽媽,格下價先...點知居然係大眾最平~!!

返去買,比人叫我做會員~諗諗下好似幾抵啵~好啦~!!

點知老公仔唔中2~佢話我好少係大眾買野...比人呃左廿蚊~

鬧交...佢話佢講笑喎...但係我唔覺得佢講笑...

我知我做樣佢唔中2既野...其實有少少內疚...

但係見到佢為咁小事話我,真係唔知嬲唔嬲佢好...

決定唔睬佢一陣,點知佢又嬲返我轉頭...

唉~算啦~係我唔岩既~似乎我嬲佢呢樣野仲小事...

係我小器~用柑桔檸檬哄返佢~哈哈~得喎~

佢笑返喇~!!好可愛~!＞３＜”

搭k巴返library借書~係車度玩~d口水噴左落佢度~哈哈~佢好傻瓜啊~!!

訓落佢度...好舒服啊...好幸福~!!^^"

去到library~借左好多好多書~!!但係有d好似唔係好好睇~

算啦~頂住先啦~!!

之後返屋企,6點半返到,遲左半個鐘tim...

不過媽媽嬲左我,所以都冇話我,我諗佢係廢事同我講野卦...

好支力~飲左杯冰水就上床訓左3個字~

起返身~突然好掛住老公~sd左個msg比佢~

沖涼~出到黎爸爸返黎同我講有人打比我叫我聽日去見工...

咁快~?!岩岩先fax咋喎...不過佢冇講幾點~咩公司都唔知,淨係知係火炭...

好多份工都係火炭架啵...無奈囉~!!=="

唯有睇下佢聽日打唔打黎啦~希望會啦~!!

打比老公~原來佢聽日都要見工~

如果佢有工返我就有$收喇~哈哈~唔洗做有人養~!!

不過佢以後都唔得閒陪我lu...又冇人陪我學日文...唉...

食飯~媽媽煮"lone"左d薯仔~有少少似薯片~哈哈~

不過我都覺得好好味~^^"

食完飯開電腦打履歷表~想sd多幾個e貓...

polam打比我話ex3c搞唱k...哈哈~居然問我呢個唔可以去唱k既人...

搞得成先搵我啦唔該~!!

之後就打日記lu...

聽朝要6點起身陪細佬睇放榜...睇黎今晚要早d訓lu...