今日係除夕呀∼！一年入面既最後一日．．．希望新一年大家都有個好既開始啦∼！！

今朝我６點半就起左身啦∼！冇計啦∼要去補習．．．點知又一如以往咁，係出門口之前比我媽媽係咁訓話．．．！原來佢一早知道我拍拖架∼！肯定係我個二五細佬既所為！！哼∼好衰格呀∼！唔怪得呢排管得咁嚴∼又成日打電話比ｄ　ｆｄ搵我啦∼！琴日仲打埋比安安∼嚇鬼死我地∼！！唉．．．真係失敗，咁快就比人發現左．．．比佢知道左，我諗我往後既日子一定會好似囚犯咁．．．唔洗指意有得出街喇∼！！ 算啦，唔理喇∼出埋今日先算！不過今日我一定出唔到夜街．．．陪唔到你倒數．．．對唔住呀安安∼！！

出到去沙田補習，都未開始已經覺得好眼訓．．．冇計啦∼之前果幾晚都係訓得果６粒鐘唔夠∼仲要訓下醒下∼前晚仲頭暈又發燒ｔｉｍ．．．算啦∼點都要頂硬上聽埋佢∼哈哈∼今日教ｄ野好實用呀∼！佢教左我當ｄ人講冷ｇａｇ我可以點樣用英文串返佢∼爆實用∼！我一定要好好記住呢句野黎串下人先∼！蔡尚你小心ｄ呀∼哈哈∼！

幾經辛苦捱到９：３５ａｍ放學∼小誼話返屋企先∼我同芷欣都約左人１０點∼好啦∼呢幾個字就陪寶琳食早餐啦∼又係去ｍ記，又係食果個餐．．．乜你唔厭架咩∼？？食完之後我就去同安安會合，寶琳係咁埋怨我搞到佢要一個人返屋企∼又再次話我有異性冇人性．．．唉∼都廢事反駁！！我約左安安係有鑽石果舊野度等，但係我覺得入去等好核突∼ｄ人又係咁影相，我又唔想上鏡喎∼於是我就係果張｛各路型人在此集合｝既ｐｏｓｔｅｒ度等∼連我自己等緊既時候都覺得自己好好笑∼！！好彩都唔係等左好耐安安就到左，咁我都唔係核突左好耐ｊｅ．．．！

我地之後去左安安話好抵果間野度食野∼車．．．以為好特別既ｔｉｍ∼原來係茶餐廳咋∼？！不過又真係幾平既．．．食野果陣安安話同我一齊之後就唔記得晒同佢之前果個ｄ野．嘩∼換言之當你同第３個女友拍拖果陣咪會唔記得晒同我ｄ野∼？！你唔係牙ｍａ∼？！做你女友真可憐！！安安又話佢同我講野既方式係同同佢細佬講野既方式一樣．．．喂∼你當我係個９歲既小朋友牙∼？我１６歲架喇∼大過你３個幾月ｔｉｍ架∼！你居然咁同姐姐講野∼？哼∼！過份∼！

食完之後我地就要起行喇∼安安話想同我睇錶．．．但係我知道自己今日夜晚多數陪唔到你，得咁少時間梗係去玩啦∼仲有時間睇錶咩∼？出返去有鑽石果舊野果度，係頭先｛各路型人在此集合｝張ｐｏｓｔｅｒ度有個男人企左係度∼佢仲｛Ｑ｝住雙手抬高個頭∼好似係度擺ｐｏｓｔ扮型咁．．你特登架？？哈哈∼笑死我同安安喇∼！行行下安安想叫我，我見佢窒左一窒先叫我｛王小姐｝，唉∼都知道ｄ人又唔記得左我個名喇∼！邊有人記性差到連女朋友個名都可以唔記得架∼？！你仲要唔係第１次∼幾次架喇∼！真係超級失望．．．講真，果陣我真係有ｄ唔開心．．．連我個名都唔記得，你究竟有幾中２我呀∼？？一路行我一路諗，你都唔記得左幾多我地之間既野喎．．．１９號咩日子啦，你６號果日既ｐｒｏｍｉｓｅ啦，２次唔記得黎啦，仲有你應承左今日比返ｄ野我，又唔記得啦∼？？唉．．．我諗１３號咩日子你都唔會記得架啦∼？？唉．．．我同你既野我就記得咁清楚，你就連我個名都要諗過先叫得出．．．你究竟係咪中２我架∼？？算啦∼我話過唔要比自己做個小器女友，我話過唔比自己因為ｄ咁小既事嬲你，我話過要同你做一對最少爭拗既情侶．．．何況你平時對我咁好，我冇理由因為ｄ咁小既事嬲你架ｍａ∼你記性差ｊｅ．．．唔關你事既．．．．．．

之後佢帶左我去旺角，我地去左冒險樂園度玩∼好多年冇黎喇∼！好，我要係度拾回童真∼！今日我狀態大勇呀∼玩第１個ｇａｍｅ已經３比１大勝安安∼！不過後黎玩另外一個好似足球場物體果個野∼由於我唔識操控既關係∼居然７比０輸左．．．唉∼好核突呀∼！！＞＜”之後我地又玩左跑馬仔，第一次玩就中左喇∼我咁大個女都未試過咁好彩架∼！安安你真係我既幸運星∼！最好彩既就係我地玩另一部機果時，由於唔係太識操控，就亂咁黎啦∼點知就咁毛啦啦中左ｂｏｎｕｓ∼有１００張咁多架∼！！真係超級好笑∼出緊飛果時我地仲未知發生咩事ｔｉｍ∼！︿︿”

玩完之後安安又帶我搭地鐵出尖咀．．．點知ｄ人搭錯左方向∼！！嘩∼安安，乜你咁差架∼？又話係你地頭．．．好核突呀我地．．．＝＝”到左之後我地去買飛睇戲．搞左一輪都係決定睇我睇果既ＨＡＲＲＹ　ＰＯＴＴＥＲ，唔緊要啦∼同安安你睇，個感覺應該會唔同ｄ既∼！！買完飛我地去左影貼紙相∼點知入左錢之後先發覺唔知擺咩ｐｏｓｔ好．．．結果臨急臨忙搞出好多笑料∼我地２個係個鏡頭面前狂笑∼搞到出黎緝相差到我呢一世都唔想再見到∼！於是就比左安安ｋｅｅｐ∼諗住再影過啦∼點知同樣既問題再次出現．．．影左我地都唔知咩事∼！有一張仲要係成張都係安安ｄ頭髮．．．你想點呀∼？？又一緝超差既貼紙相．．．我咁大個女都未試過影貼紙相影得咁失敗架∼！

影完相我地就趕去睇戲啦∼行緊去既時候安安問我有冇諗過大個左喳車．．．下∼我淨係想坐人地車咋喎．．．佢話唔知有冇機會車到我．．．唔知點解當時我答佢應該乜機會．．．其實如果可以既話我真係好想你可以車到我．．．但係我覺得得唔得完全係睇你囉∼！金牛座係好專一而追求穩定既星座，所以我同得你一齊就預左會好長，會同你一齊走過好多好多日子．．．但係你呢∼？你又可唔可以呀∼？？

幾經辛苦我地終於趕到去戲院，都未試過咁鬼死趕∼！安安又再次發揮佢中２趕時間既本色喇∼！我咁大個女都未試過係一個禮拜內入戲院睇同一套戲２次架∼！不過係陪安安你睇既，冇所謂啦∼！萬事以你為主∼你係最重要的∼！︿︿” 睇睇下戲我媽媽又打黎喇∼佢叫我睇完戲好番屋企．．．唉∼都知道唔可以捱到夜晚架喇∼連入夜都捱唔到∼仲諗乜鬼野倒數丫．．．ｓｏｒｒｙ呀安安．．．不過今晚你會同馮灝斌班人出架ｍａ∼希望你玩得開心ｄ啦∼！

睇完戲我地去左間叫＜糖朝＞既糖水舖食野∼安安話間野好出名喎∼但係點解我未聽過既∼？不過又真係幾多人喎∼５點幾黎食都咁多人∼ｄ野食應該ｏｋ卦∼？！我地叫左２個甜品∼都ｏｋ啦∼！ｄ乾冰出黎既效果好令呀∼我超中２∼！＞３＜”

食完野我地就搭巴士返富亨∼果時先６點多ｄ！唉∼我唔想咁早走呀∼ｄ人而家先開始出黎我就要走喇．．．嗚．．． 我仲未同安安睇燈飾架．．．佢話會帶我搭天星小輪架∼又話會送禮物比我架．．．點知未到戲肉我就要返屋企．．．好可惜唷！！係車上面安安話佢同我未熟之前覺得我係果ｄ好悶好悶既人．．．哈哈∼都話左人不可以貌相∼識左我之後係咪完全改觀呢∼？？正如我未識你果時點估都唔會估到你係ｄ咁既人啦∼！你話你果時諗都冇諗過會同我拍拖∼我又何嘗唔係丫∼？？果時我完全冇諗過要同你ｆｄ　ｔｉｍ∼！！世事既野往往係咁奇妙．．．你又話肉麻既野對我黎講係ｒｕｂｂｉｓｈ．．．其實唔係架∼有邊個女仔唔想听自己男友話愛自己架∼？？只不過我真係唔知比咩反應你．．．同埋我覺得你講呢ｄ野最緊要係真心想講囉∼有時唔係話講得多就係愛得深．．．如果成日掛係口邊當口頭禪就會失去意義．．．我想听既係你既真心說話囉∼！！你明唔明呀∼？？

返到富亨安安送到我去ｌｉｆｔ口．．．我都好唔捨得你呀∼！＞３＜”要你特登陪我返黎再出返去∼唔好意思呀∼！！你真係好好呀∼！！今個除夕有你陪我過我超開心∼我應承你，下年一定出到黎陪你倒數既∼！！希望你今晚同佢地玩得開心ｄ∼有個難忘既除夕啦∼！！

ｐ．ｓ＞>＞我份禮物呀．．．快ｄ比返我啦∼！！＝＝”