今日七點九就起左身啦..

落左M記食早餐..  九點三跟住去集合啦..

跟住點下名..  整下哩樣搞下果樣..

就去左搭[E34]去東涌啦..

落車就由東涌行去昂坪啦..   全長七公里..  

開頭呢都OK既,  愈行愈入..  

就開始見到昂坪360纜車啦..

勁上樓梯..   勁斜勁大級..

第一個休息站, 好多人都唔係幾得..

有D暈呀, 有D好似中暑咁睇唔到野呀..

而我就..  唉 " 嘔左..  <----  核突D講, 今朝食豬柳蛋漢堡D蛋仲見到..  -口- "

飲左幾啖保礦力, 好好多啦..

之後分左兩批行, 有問題既就行先..  <---- 當然我都係啦

一路行都冇問題既, 呀SIR話休息既時候, 就抖下囉..

我發現自己既心跳好快,  呼吸好大聲..  <----  用口呼吸

行下行下, 見到機場, 見到D飛機起飛囉..

都第一次咁近見到..   <---  我未搭過飛機  -口- "

跟住上左個類似纜車塔既野到..

好高, 勁高, 超大風囉..

十二點左右, 大家就搵左有樹蔭既樓梯食午餐呀...

我自備左排包啦, 俾左D人食啦..

小隊就提供左兩包野飲..

行左好耐之後..

呀SIR係咁話最難果段已經行左..

但係我地一D都唔覺得囉..  -口- "

之後有度超恐怖, 你可以幻想佢係好似[千與千尋]

小千行果條咁囉, 仲要係喺D山路度喎..

差唔多一半有多既時候, 我地又去左另一個纜車塔度喎..

由於簡SIR去左後面啦, 前面又有勁多隻狗喎.. <---- 五, 六隻都有

咁我地就喺個塔格離度HEA下, 抖下, 傾下計啦..

D纜車喺我地格離吊尼吊去..   D人又好搞笑咁同我地揮手喎,

咁我同KAKAKA, DEBBY, RITA, WINGKY呀同佢揮番..  :P

之後知道左行邊條路,  

我地就真係喺昂坪360下面行啦.. 

勁斜喎, 咁要係落囉, 腳指受苦了..  -口- " 

KEEP住喺果度行左都幾耐.. 

果度好似天堂咁..  D霧喺我地格離飛過囉..  :P

有一個伯伯係我地路程當中超過我地..

喺我地行緊哩段既時候..  佢已經係回程啦..

嘩 " 人地真係行慣行熟啦..

之後繞左去後面去昂坪市集.. 

行左好耐終於都到啦.. 

之後俾我親眼見到天壇大佛..   :P 

跟住去左食飯..  <----  四點幾喎..   -口- "

之後去到營地沖涼..  開會..

八點幾就要訓啦..   因為要準備聽日夜行呀..

正確D唔係聽日..  因為我地凌晨兩點幾就要出發啦..  :P