今日去左元朗游水, 好深好深,  好似1.9米..  <---- 冇記錯既話

星期一, 我既蛙式錯哂, 星期三, 努力中..

今日, 考左試, 應該合格既. 我諗...

一百米, 踩水三分鐘, 仲要潛落水底執野啦..

跟住, 去左吉野家, 噢" 過左十一點, 勁貴..   -口- "

十二點幾先番到屋企, 睇左陣電視..

KAKAKA就叫我陪佢落去整D野啦, 咁就落左去啦..

三點幾上番尼, 四點要聽萬世..

今日你個樣樣係 古巨基  ..  呀 !

好搞笑, 真係爛GAG到爆架喎, 佢講野..

占病左喎, 祝 早日康復 !

原本話今晚都可以去游既, 不過最後都冇得去..  -口- "

又唔洗學, 咁做功課啦..  <----  唔得啦, 我大鑊啦 !

跟住食飯, 沖涼, 睇電視, 訓覺  <---- 唔計用電腦既時間

曾經有人講過, 如果D人仲係咁口語打BLOG,

一定降低佢本身既中文水平..

有諗過哩個問題, 但係有個人同我講過 ..

[下, 你個BLOG用書面語, 我唔睇架 !]

後來, 我發現佢自己係咁用囉..  -口- "

哩個人叫 NAT哥 ..

----------------------------------------------------

我愈尼愈發覺我自己係一個怪人..

有好多野好多時都可以有好大分別..

有時D有野, 我係唔識自己決定, 跟住機會就白白流失左啦..

即係, 我會驚冇人陪, 但係另一方面,

有時候, 我係好鍾意自己一個架.. 

小學既時候, KAKAKA喺一篇文度話,

我好奇怪, 我做錯左一D野, 可能只不過係好細既事情..

我已經係驚到抽筋架啦, 當然哩個現象宜家仲有啦..

即係細膽啦, 但係喺玩果方面呢, 我係點都唔驚既..

跳樓機, 過山車, 三百六度轉尼轉去果舊野..  <----哩D根本玩唔厭

鬼故, 喜歡聽 , 但係唔識講 ..  

之前有講過既, 同人說話啦..

熟人(男女) , 女陌生人(岩岩識果D ) <---- 係會比較多野講..

識但唔熟既人, 男陌生人 (同上) <---- 冇話題  -口- "

同埋, 我有時D情緒都幾複雜架..

有時係咁講[我好開心呀 !]..  <---- 仲要講勁多次架喎..

有時就, [我好唔開心呀 !] ..        

咁就已經有四方面, 我係唔係幾正常架啦.. 

成段野可能有D作狀, 純粹我自己意見..