今日同呀姨姨媽咪去飲茶呀, 我地送左盒月餅俾佢..
佢竟然俾左兩封利是我同呀哥.. -口- "
之後要番童軍, 咩咩果D中秋活動啦..
自從當年大表姐將冰皮月餅既技術引入之後, 成為左每年童軍既中秋活動啦..
不過今年我就冇整啦, 大表姐都拎左幾盒過尼..
聽講, 佢今年整榴槤同芒果味喎..
最令我驚訝既係, 我曾經同表姐講過我好鍾意食D皮..
點知佢今年真係將淨左果D皮拎左俾我囉.. -口- "
猜左好多燈謎呀, 喺度講幾條啦..
1. 七十二小時 (猜一字)
2. 車子開錯路 (猜一日用品)
3. 十滴水 (猜一字) (無三不成幾, 岩岩好) :P
玩左一個超級難玩既遊戲喎, 連D呀SIR都做唔到囉.. -口- "
冇得喺M記HEA啦, 因為要出爺爺果邊食飯啦, 做節呀麻..
點知瑤姐EUNICE又冇尼喎, 咁就純粹食左餐飯啦.. -口- "
之後, 我同呀哥自己搭車走人先啦.. <---- 近哩幾年, 次次都係咁.. :P
番到天瑞, 去左OK買野啦, 嘩 " 見到個女仔..
我淨係見到佢背脊啫, 我見到一件好似底衫咁既野囉.. -口- "
即係將個背脊分開五份, 佢只係得中間果份有野囉..
不如唔好著呀笨.. :P <----- 強調我只係見到佢背脊, 佢前面有可能係樽領..
行番去果陣, 又見到佢喎, 我哥話佢可能係自己剪.. -口- "
另外, 見到好多人玩蠟燭呀, 我驚我今年冇得玩呀.. -口- "
講真, 其實好想真係試下煲蠟呀, 我真係未試過.. <---- 點蠟燭唔算呀 !
番到屋企, 開冷氣, 又睇冰河世紀2啦.. <---- 李燦森係咁嗌[輝輝][輝輝], 好搞笑.. :P
轉左過無線睇殘奧, 佢地真係好勁呀 ! 好深刻既係, 欖球同埋女子單車公路賽囉,
欖球既玩法, 就係要帶住個波去指定既區域囉, 不過用輪椅..
單車, 其實全部運動員都係下肢殘障既, 即係用手踩囉, 嘩 " 咁樣攰好多..
之後, 睇火影, 好耐冇睇過啦, 雖然我次次都係唔知頭唔知路咁睇.. <---- 好睇得濟..
不過我哥又次次都可以講到我唔明既地方架啵.. -口- "
緊係啦, 佢晨早睇哂啦, 我都係覺得集集追好睇D喎.. :P
跟住又轉左過去亞視睇[開心主流派], 唔知大家有冇睇過 ?!
好耐架啦, 重播既, 曾志偉同林敏驄, 笑爆嘴囉.. :P
其中一條片啦 : http://hk.video.yahoo.com/video/video.html?id=371532
燈謎答案 : 1.華 (我開頭都以為係[晶]呀!) 2. 白花油 3. 汁
---------------------------------------------------------------
中秋節啦, 即係秋天尼啦 !
今日已經搵左補習啦, 係呀KAKAKA, DEBBY佢地果度..
補星期二,三下午放學之後直到夜晚七點半左右, 另外星期五八點..
唉 " 我諗我真係聽唔到903啦..
http://hk.geocities.com/dolphinchong2002/20.htm
真係一首好正既歌, 不過最正係呀占RAP詞, 佢冇顯示到.. -口- "
[我一下子變得好無助]
|
