終於都打到BLOG啦, 好開心呀, 可能已經打到好耐..

不過我真係唔得尼睇呀, 之前佢又死左啦..  -口- "

我部機又中左木馬啦, 宜家所有歌同埋圖都冇哂啦..

九月十五號呀, 即係中秋既後一日, 童軍們去左大嶼山玩啦..

我第一次玩香蕉船咋, 其實同一般人地滑水差唔多..

不過我地係坐喺度囉, 之後又玩左個梳化..  <----  其實玩法一樣

不過哩個好玩好多, 一尼冇咁易反啦, 二尼好飄呀..  <----- 其實應唔應該用個[飄]字 ?!

總之就好好好好好好好好好好好好好好好好玩啦..   :P

另外, 九月二十一號係薯條既生日, 祝佢 生日快樂 !

去左BBQ呀, 好好玩, 不過錯失左[溏心風暴之家好月圓]既大結局囉..

順帶一提, 講開電視劇, 宜家做緊果套[四大少年神捕]幾好睇喎 !

FORM 2 開學都冇乜野既, 都係咁啦..

其實大致上係開心既, 咁總有好多不同既因素令到我心情起變化啦..  <---- 有D作狀

係我既好友, 你明既 ..  :P   <---- 可能冇 -口- "

琴日有一個颱風尼左啦, 黑格比 !  我好多謝你, 俾左一日假期我..

但係你真係好強, 我好耐未見過我樓下有輕微水浸, 你同時都令到好多人有唔少既損失..

今日係神舟七號升空既日子, 冇可能唔知既..

如果IS唔係有個咁既PROJECT, 我都可能係琴日, 或者前日先知..

成功 ! 

哈 " 今日首次喺廿五號已經做左一本NON-E 呀 !  :P

唔知大家有冇哩個現象, 可能你今日嬲到爆或者有D唔開心既野..

但你打BLOG果陣, 總係會唔記得左架喎..  -口- "

就算見到人地個BLOG都唔記得左發生過D咁既事..   -口- "         靈異呀 !

---------------------------------------------------------

其實林海峰除左係一個搞笑能手之外, 佢唱歌真係幾好..

佢自己既歌, 有D都係佢自己曲, 詞既..

有好多都係搞笑為主既, 又唔係全部搞笑架喎..

有D應該係話輕鬆囉, 因為搞笑得尼, 佢係有意思既..  <---- 農夫D歌都係..

[流行曲], [男子組], [傻婆]等等等等啦..

我第一次聽[我係邊個]喺夜晚果陣, 跟住就覺得首歌好憂鬱呀..

可能我大個搬左出去住, D情況俾佢講中哂..  :P