四月十二至十三日, 我地同52TH,1427一齊去左大潭宿營..

原本我地四個都係露營既, 不過後來我地唔洗, 反而細D果班人要囉..

不過有房訓, 緊係開心好多啦, 又有冷氣 ! 哈哈哈哈哈  :P

營地唔算好大, 但係玩定向, 尋寶果陣都幾辛苦, 又要周圍跑尼跑去..  -口- "

開頭我只係帶著一班幼童軍既咋, 點知後來一班露營既童軍都過埋尼喎,

咁夜晚燒烤果陣, 就有個女仔同我講 :[ 喂, 隊長, 做番D野好喎, 你應該叫番自己隊D人囉 !]

第一時間, 緊係覺得個女仔都幾串下, 但係我又真係好似唔係幾好..

五十二旅既童軍真係好強, 有料, 有責任感, 效率高, 又會關心, 主動照顧隊友..  (真心)

我係隊長, 不過我個副隊大過我, 勁過我, 我真係想俾佢做架, 退位讓賢呀麻 ..  :P

唉, 我想咋麻, 第一日, 我喺我果隊就啞口無言, 同三,四年級既, 反而更有計傾..  -口- "

第二日, 主要節目就係 [掃把球], [高空擲物] 同埋 [日頭尋寶].. <---- 哩個遊戲原名[黑夜],不過冇時間

掃把球其實係幾好玩既, 又刺激, 不過對我尼講, 我就完全冇優勢囉.. -口- "

玩法非常簡單, 係少數領袖解釋得清楚既遊戲之一, 但需要既係跑得快....  唉, 拜拜啦 ! -口- "

而[高空擲物], 其實就係要喺二樓擲隻雞蛋, 但係唔好可以破爛, 好經典呀 ! -口- "

喺哩一個遊戲, 我就開始同我既隊友有溝通, 雖然最終隻蛋都係爛..  -口- "

日頭尋寶, 想搵死人咩, 最後方屎屎果隊贏左, 車 !  未又係區兆賢 !   -口- "

最後個CAMP都係差唔多只有二十四小時啫, 雖然唔算長, 但係都幾好玩既...  :P

有一種好奇怪既感覺, 以往同其他人交流營通常都係唔識, 或者只會見一次, 營報都唔會有機會再見..

但係, 今次哩兩個旅別都係位於天水圍, 有些甚至活躍於天瑞, 有都會見到, 同一般交流營好唔同..   :P

一百三十幾人, 你又能夠發現到我嗎 ?!  :P