星期六, 同媽媽去左睇 [ NIGHT AT THE MUSEUM 2 ]..

由於你知道佢一定會郁既關係, 第一集既吸引力比較大.

當然, 佢都有佢可愛之處, 三隻JONAS BROTHERS 唱歌天使啦,

跳跳下既氣球狗, 林肯像, 同埋思考家石像溝石像靚女都好好笑啦 ! :P

最估佢唔到既係, 竟然有垃圾桶怪OSCAR既出現..  -口- "

其實仲有好多笑位, 主角同看更鬧架, 兩隻猴子同主角互摑, LAPOLEAN係咁俾人笑細粒等等..

我喜歡睇完部戲, 先再睇番條TRAILER, 好似好奇怪咁喎 ?!  -口- "

同KAKAKA出街, 去左圖書館補領圖書證, 可憐既我係咁俾人話係白痴呀  !   -口- "

星期日同媽媽去左元朗剪頭髮, 知唔知我媽幾好人呀 ?!

佢十一點一到就即刻開始整啦, 我就去左隔離既天奴餐廳食野啦.. <-- 冇記錯既話,天奴好似係荔園隻大象..

食完大約係十二點半, 我又過番去啦, 咁我無啦啦又要一齊剪喎.. -口- "

個頭第一次俾人焗油, 幾驚呀, 有個好似太空帽既野笠住, 之後個頭無啦啦係咁出煙喎.. :P

我剪完, 整掂哂, 大約係三點左右, 我媽個頭仲個好大既圈圈圍住咁轉..

我仲得閒到, 可以喺度睇 [ 神鎗手]既DVD, 都幾好睇喎 !  :P

差唔多做完既時候, 我媽終於搞掂啦, 果時已經係四點幾啦, 都[冇]乜野既, 五個幾鐘啫,

最大既問題係, 我媽又話剪, 又話染咁..   最後, 我真係唔覺有分別囉..  -口- "

之後, 又行左一陣街, 兩日買左兩對鞋, 好開心 !  :P

---------------------------------------------------------------------------------

EDISON 版, 其實我第一次聽哩首歌係, I LOVE YOU BOYZ + 哨牙婆唱既..

直至現在, 比較喜歡後者 !  :P