嘩 " 琴晚四點幾先訓呀..

因為我諗住打下機既, 點知我媽要我入房訓覺啦..

咁我琴日既夜晚六點幾到八點幾都訓左啦,

咁就一D都唔覺得眼訓喎, 就諗住睇下書啦..

我有份生日禮物就係 [繼續革命] 啦, 咁我就睇..

睇到三點幾有諗過訓既, 不過係諗囉..  <---- 一次過睇哂呀 !

所以就搞到四點幾先訓啦, 原本諗住九點起身, 都較番九點半啦..

今朝一日番左學校攞書啦, 講真我真係覺得好無聊既..

晨早留尼, 入學校都唔知有冇一分鐘..  <---- 唔係誇張, 真係差唔多..

不過講咩都冇用啦,  唔通唔去咩..  -口- "

番到尼, 諗住睇劉翔啦, 點知佢因傷唔可以比賽啦..

其實係好可惜既, 嘩" 睇到新聞..

果條炒黃牛飛既友, 竟然話劉翔累佢冇左一百蚊喎..

大佬 " 你自己炒黃牛飛都唔岩架啦, 話劉翔累你..

你估佢好想受傷, 好想唔比賽咩.. ?!       你都有病既 !

無聊事項 : 劉翔同呀JAM都幾似喎, 我覺得..  :P

由於睡眠不足, 訓著左啦..

起身見到, 男籃  中國 VS 希臘  74 :91 , 雖然已經肯定出線啫..  -口- "

之後聽萬世啦, 我好似好耐冇提過啦..

呀JAM真係好得呢, 希望佢嬴埋ID-IDOL, 做埋歌手.. <---咁就好啦 :P

跟住睇下體操咁啦, 中國金牌愈尼愈多..

男子吊環, 金銀啦..     女子高低槓又金銅啦..

中國男子乒乓球團體又攞左金高低槓牌啦, 女子彈床又有啦.. <---- 我都唔知咩尼 ?!

不過田徑賽岩岩開始, 可能美國宜家開始發力啦..

嘩 " 奧運簡直係入侵我地既生活呀..

係囉, 今日有個奧運主持生日呀, 佢姓古架..  :P      818呀 !

唔係人既菲比斯終於衝擊八金成功左啦..

十七號既重要事項只有哩樣..  -口- "

再見 !

嘩嘩嘩 " 今日好開心呀 !

收到呀FING既SMS啦, MSN有好多離線訊息啦..

全部都多謝哂啦, 包括凌晨既朋友啦..

晨早九點幾落去, 去還番兩個籃球..  <---- 擺左成個星期都冇用過..

第一個親口同我講生日快樂, 其實係 WINGKY ..

之後番童軍啦, 咁佢地就周圍揚喎..

大大聲咁講, [ XX珊, 生日快樂 !] <---- 明玩野..

跟住, 去左M記食野啦, KAKAKA同埋DEBBY仔就送禮物啦..

我即刻就拆啦, KAKAKA應該就同呀NAT哥, SISI, MOK 佢地一齊..

好正呀 " 有落雨路, 繼續革命,同埋一隻勁舞碟呀..   <--- 多謝多謝 !

DEBBY仔果份就係, 一個MONCHHICHI紙盒啦.. <---- 自己摺果隻..

仲有一個BECHHICHI既FILE同埋一本簿, 超靚呀 !

之後番左屋企啦, 睇左陣電視, ON左陣MSN..

佢地番尼之後, 我就去左沖涼啦..

跟住出左街食飯啦, 一年一度去左PIZZA HUT食野呀..

因為呢, 個個生日都唔鍾意食PIZZA, 咁就得我食啦..

番到尼, 其實就睇緊羽毛球既, 不過我訓著左囉..  -口- "

之後WINGKY打尼話過一過喎, 咁我就去開門啦..

哎呀 " 我應該叫佢留低食蛋糕架, SORRY !

跟住我地一家人食蛋糕啦, 爸媽就俾左兩封利是啦..

呀哥又買禮物啦, 之後就一份份拆啦..    :P

我哥果個係一個錢箱呀, 我果個打爛左呀麻..

RITA果個就係一隻花師奶既頭, 開頭以為冇乜野...

跟住發現原來可以打開D拉鍊, 變成一張被, 實在太搞笑啦..  :P

WINGKY果份就係呢, 一隻著左工人褲既大口仔..

咁我就添得意, 睇下可唔可以除啦, 點知真係得喎..

哈 " 我發現佢著左底底喎, 我真係第一次見到大口仔著底底..  -口- "

(相機壞左, 影唔到上尼)

嘩 " 我好耐冇收過咁多禮物啦, 真係好開心呀 !  :P

咁又大一歲啦, 呀 " 唔係又老一年啦..  KEKE :P

一句到尾 , 真係多謝哂咁多位呀 !   \(*U*)/

-------------------------------------------------

題外話 :

近來我哥好鍾意一套卡通--- [ 結界師 ]

佢既攻擊方法超級科幻, 不過我哥之前玩過一隻

GAME係關於結界師 既,,

玩既時候好搞笑, 咁睇都係既..

可能我已經好OUT, 不過真係幾好睇..  :P