SISI .. 生日大快樂.. !!  

今日番學既時候..

我好強烈咁感受到夏天既來臨..

唔係因為熱到爆..

我聽到蟬叫.. <----- 仲係好大聲..

番到去.. 的確好熱..

係學校都幾好..  幾時都開住冷氣..  :P

中史教得好快呀..   不過好好笑呀.. KEKE "

估唔到CANDICE咁有吉士呀..  :P

大家小心宜家D筆好易會唔見架..

如果真係唔見左..  要小心D揾..

可能遠在天邊.. 近在眼前..

放學..

做果個咁既死人問卷..

等左勁耐囉.. -口- "  麻Q煩呀..

搞到我聽唔到萬世囉..   <----- 頭果個鐘

今日既萬世巨星係 I LOVE YOU BOYZ (請番自己.. ) -口-"

講番佢地係九州拍好友移城D野啦..

PS :  六月十五號(星期日)  晚上10點 無線電視, 艾粒_好友移城

之後又去左學野啦..

對於我未能出席今日的MSN開會

十分抱歉..   我的組員..

因為我使用電腦既時間通常都係好夜既夜晚.. 

例如 : 宜家  [ 02:41 ]   :P

之前都可能係我哥咁岩唔係屋企..

KAYEE同呀NAT哥原本話聽夜同MS JONG食飯既..

點知呀NAT哥打完俾佢之後.. 唔得閒喎..

咁算啦..  不過可能要等到考完試先見到..  :P

期間呀NAT哥提我SISI生日..

我都記得五月廿三號有人生日架啦..

係唔記得邊條友啫.. :P

打左俾佢啦.. 都要講番幾句既.. 哈 "  :P

------------------------------------------------------

唔知點解飲親西柚茶..  <---- 果然系冰震果隻

就好似番左小學咁..  真係幾好味架..

宜家好難揾.. 一定要去D超市六包六包咁買..

http://www.2000fun.com/bbs/viewthread.php?tid=717290

有飲過嗎 .. ?!

當中既茶字典藍色我宜家都成日飲..

小學本來我係比較喜歡檸檬綠色既..

之後完全揾唔到佢既蹤影..

就轉左藍色啦..

慨嘆..  唉.. =====>>>>

考完會考既呀哥..

日日都用電腦.. 由日到夜..

今日唔係屋企..

我好高興可以抽到少少時間呀..

------------------------------------------

我發現我真係鍾意西史呀.. 

起碼比中史好得多..

中文口語終於都考哂啦..

都話CONNIE把聲好得意架啦..

嫘盈呀..  !!!

無心之失多的是..

如果曾經導致各人生氣的..

對唔住..  <------  有時真係唔知架..  :P

聽萬世啦..

哩幾日都有時間去接D人..

對於四川今次既感受..

低能人士辦事處都總共撥捐左二十大元..  :P

雖然唔係好多..  希望幫到災民..

又好得閒..  睇番07叱咤啦..  :P

覺得李卓庭真係好勁..

唱LIVE又得..

果陣時既[手槍與紅玫瑰]..  同埋近排既[失眠幻想曲]..

都勁掂呀..  !!  :P

希望考完試又可以成班人..

浩浩蕩蕩咁番小學..

大笑一輪..  番去會開心好多架..

我地要靠呀NAT哥安排安排啦.. 

哈 "  哩D野係你岩D既..  :P

---------------------------------------------

今年第一次見西瓜呀..

其實佢係細過個籃球架..  :P

-------------------------------------

考完試一定日日打BLOG呀..  !!

宜家唔得呀.. :P

不過冇乜人尼既..

摺埋都得架啦..  KEKE  " :P

今日係我表哥大喜日子..

恭喜恭喜..   :P

我送左份野俾佢地.. 易碎物品 請小心輕放

雖然佢唔係好大.. 不過出年就要派利是啦..

唔知四點幾定五點幾就到左啦..

唉..  EUNICE(瑤)又要七點先到..

咁打下太鼓..  HEA住等..

聽緊[U].. 姑丈叫我幫手..

咁我幫啦..  新娘同新郎要俾茶人飲..

影下相..

終於都尼左啦..   影何氏大合照..

咁呀雯雯同靜靜就著左果D婚莎.. <--- (兩姊妹)

唔知點解佢地兩個特別HIGH..

同另外兩個小朋友係咁跑尼跑去囉..  -口-  "

食飯..  經過一輪安排..

可以坐下來啦..

食食下....  表哥走左過尼..

同我地講下野啦..

超搞笑既係靜靜失戀呀.. KEKE "  :P

靜靜曾經揚言要同表哥結婚..

(PS靜靜今年4歲)

表哥一行過尼..  佢就攬住佢媽咪..

咁岩食緊茶樓甜品--- 紅豆沙..

唔知點解一D都唔甜..

我地話係特登為佢而設既..

名為[靜靜的紅豆沙]..

佢完全唔理表哥..  眼裡帶住憂鬱既神情..

咁開心既日子..

位位叔伯兄弟都都飲左好多啦..

我爸和很多人也有點醉意..

食完好耐啦..

我地班小朋友就HEA左好耐啦..

--------------------------------------------

我媽係泰國買左盒哩D番尼..

好得意..  幾時見過士多啤梨會大過蘿蔔架..  :P

係食得架.. 我開頭以為係攞尼擺..

味道一般..

---------------------------------------------

四川地震災民的慘況..

大家都明白..

有很多人在幫忙..

大家有捐款一起幫手嗎..  ?!