2010-06-11
今日係阿公既71歲生日
同媽返左大陸
一返到去就去左萬壽公飲荼, 見到阿公精神幾好, 而且隻手都好似冇事了
飲完之後去左婆婆到, 肥姨叫佢睇報紙, 佢真係去睇, 仲好似睇得好認真甘
真係一頁一頁甘去睇, 我吾知佢睇吾睇得明d繁體字
本來同阿公都冇乜野講, 但無啦啦佢走埋去d雞到..
掀起果塊野, 睇到睇d雞, 之後佢無啦啦叫我: 珊, 過黎睇下
果一下真係好開心. 因為印象中阿公都冇試過同我有甘既互動..
之後我行埋去睇, 佢指比我睇, 話隻雞吾郁...睇左好耐我都睇吾到有d咩,
佢有入面有雞蛋, 但我真係睇吾到, 我都懷疑係佢睇錯..
之後我再自己去睇多次, 我正係見到入面有隻雞坐左係到吾郁, 我以為佢話隻雞吾郁係甘解..
我問佢 隻雞定係雞蛋, 佢話有雞蛋...
隔左一陣, 佢用枝野了隻蛋, 比婆婆鬧佢..
我果下先見到原來真係有隻雞蛋係到!!!!
呢次係呢幾年同阿公講得最多野既一次...真係好開心, 好開心佢叫我個名,
叫我過去睇雞蛋=)
對上一次印象中同阿公有互動既..就係佢帶我去睇佢以前做野既地方..
佢用摩托車車我去, 話比我知果到就係佢做野既地方.
最深刻就係呢次..
好比左200蚊我, 叫我比阿公生日
我比佢果時, 佢呆左一下, 之後笑得好開心, 見到佢甘開心真係好
之後佢仲好似小朋友甘將d錢收埋係2樓
本來佢係上面訓左陣晏覺, 姨買左豆腐花叫我叫醒阿公落黎食
佢永遠都係笑住的
佢又係食得津津有味=) 自己病過果一次之後, 婆婆乜都比佢食
而家氣色都好返好多, 夜晚食飯又有食得津津有味, 不停係甘食送
阿公, 你要身體健康, 等我賺錢比你用再哄你開心!!!
|
