第一位：獅子座95%

天生唔做明星，都唔知應該可以做咩？唔一定ｏ係樂壇或者娛樂圈，就算係身邊ｏ既朋友或者係同學，都會發現你好萬人迷，因為你確實有份魅力令人好想望多你兩眼，又或好有領導能力令人望而生畏

第二位：雙子座89%

性格多變ｏ既你，係就係好情緒化，但對於演戲ｏ黎講，呢個直情係優點，因為你可以以唔同ｏ既性格，配合到唔同角色ｏ既需要，呢樣ｏ野唔係咁易ｏ架，都要有番咁上下功力先得，你底厚，所以成功機會都易好多！

第三位：天秤座80%

做明星除ｏ左天份，最緊要有人緣。以天秤人ｏ既性格，呢方面直情難唔到你，加上天秤人通常都係靚仔靚女較多，年紀愈大魅力愈厲害。試諗下內與外兼備，咁ｏ既質數，你話唔紅都幾難！

第四位：處女座75%

處女人出名挑通眼眉，有ｏ的人可能覺得佢細心眼，但就係因為呢種細心眼，令你好能留意到身邊ｏ既人ｏ既小動作，對於做戲ｏ黎講，呢方面都好重要。另外，你好憤世嫉俗，而呢種咁ｏ既態度，會令你容易有創作靈感添！