一籠不能藏二鼠!

今日買左隻杏倉  50蚊  係個堆老鼠仔入面簡直肥到爆 係其他鼠既三倍!!

佢係仔黎既  全身白色  後背金金啡啡  同屋企隻銀狐好似

買左個波仔比佢周屋碌   兩隻都肥嘟嘟  不過杏倉就係毛比較多  毛茸茸咁  隻銀狐仔就真係肉多=VVV=點知番到去打交(其實都估到)

佢地一飛撲埋去個下我已經即刻拉番住隻銀狐(我唔敢掂新個隻/0\)  跟住就比外表善良傻傻地既佢咬左啖  佢咬住我隻手指兩秒  見到係我先縮番口  點知都流左兩滴血  雖然都痛痛地  但係同屋企個兩隻變態鸚鵡個血盤大口相比都唔算D乜野!!

於是就將新黎個隻窒入去個波仔度  擺入個籠既下面個層  銀狐仔就兜住個波走,有時會撲埋去郁兩郁  入面隻杏倉都廢事理佢  因為個波入面D隙縫超細  連隻手仔都伸唔到入去  銀狐仔係外面乾瞪著眼~跟住就番上樓上自己間屋仔  決定眼不見為淨XD

要等聽日小雅雅借個籠比我  分開佢地  要打理兩個籠都幾慘也/口\不過算啦   自作孽不可活 買得佢番黎就要讓佢善終/0\以後都要好好對佢!