4/7
宿營第1日,一早出左去買野,
番學校,着住套便服周圍走*
等左好耐,齊人了,好多綠豆!
搭車,都唔知自己做乜!
去到西貢,食野,之後等船,
上到船,傻了,不過唔單單得我!
去到果度,有人黎講營舍既野,
期間我發現佢原來同MS SO係同一類人黎既*
又玩唔知咩,都冇心機,
終於有房啦,擺低左,出去LU~
一黎就玩青蛙,熊,蚊,麻麻地啦,
跟住就分組,唔係幾想同綠豆一齊囉...
自我介紹,就玩大腳八,
點解要企果度?輸左!
食DINNER,冇水飲,狂飲湯,縱使我唔中意,
小食部7點先開門,叫牙SIR遲D先集合,
7點7,全部人先齊晒,
去左樹下面,有條好大既柱,要15個人都過晒去,
小敏跌落去,以一個較樣衰既姿態*
我都衰左,不過冇佢衰得咁勁姐...
之後玩蜘蛛網,小敏俾人抬左2次,
好彩有一次我係自己過...
玩黑夜獨行,好驚,喊左出黎,
行行下,後面有聲,原來係陳XX,
嚇死我,番到去見到小敏,又喊...
番房,沖涼,食野,玩,聽歌,寫日記,瞓教*

5/7
瞓果陣佢地又嘈,醒又係佢地整醒我,
有病的!?未夠6點鐘就醒左,嚴重唔夠瞓!
7點半去左唔知邊度做早操,跟住就食早餐*
佢叫我地着拖鞋,因為要濕身,
我估唔到係玩流水柱囉!
按下面既孔,D男床淨係以為自己先濕,
我濕得仲勁啦,做左女仔之中濕得最勁果個,好失敗!
佢都唔係倒水落去條柱度既,佢係倒落人地個頭度!
跟住佢地整羅馬炮架,我同小敏去整水彈,
整到咩咁,一下子就俾佢地消滅晒!
佢地射水彈既時候又叫我地踩住唔知邊度,整親隻腳,好痛!
又整過D水彈,我拎出去既時候,隔離組既人過黎搶,俾人『擊退』左!
冇晒氣球,裝水俾佢地,佢地全部癲晒!
食飯,食完番房執野,執完拎晒D野去扇形房,
之後就搬柱,搬完番去扇形房坐左陣,又出去啦,
最後一個遊戲,一個類似搖搖板既野,
要咁多個人都上晒去但係要保持平衡,
D男既搞左好耐,最後由我同小敏上去先,
其他女仔都慢慢上晒去,可能唔夠時間,
牙SIR俾晒D人一次過上晒去先做平衡,
平衡完要影相,跟住D牙SIR又要上,曬死我啦!
拎野去碼頭,影相,等左陣,有船啦!
番到去西貢,D人又買呢樣又買果樣...[雖然我都想買]
幾經辛苦先上到車,食完野就瞓教,
瞓到頌富我就醒左LU~
有D瞓左既人比人影左相*
跟住就番屋企*

成個營都好開心,雖然我有個野好唔中意,
不過都OK啦,我諗我同小敏既關係都比以前更好了!
去CAMP既日子,我好掛住你地:
茵,漫,海魚,堡....等等,個個都好掛住,
可能你地會認為我傻左,但係呢段去CAMP既日子,
我真係好想同你地咁多位一齊!!!!

I MISS YOU SO MUCH!!!>w<"