今次呢間餐廳岩晒食肉獸，2小時既燒肉海鮮放題！有任食燒肉同海鮮，各樣既刺身同壽同，不同既小食炸物、仲有冷盤熱食。
而家晚市放題每位送「尚鮮浜燒」海鮮拼盤一份。海鮮拼盤包括燒蠔、虎蝦、蟹、活鮑魚、蟹噌甲羅燒等，蟹噌甲羅燒到香噴噴，咸香四溢。
食材都好新鮮，一掂個鮑魚就會自己縮∼
燒肉方面：食物都幾多選擇，一口牛、牛仔骨、原條腩條、五層肉等等，質素頗有驚喜。因為不想太浪費，我每次點既份數都係1-4件內
一口牛，牛仔骨
五層肉， 原條腩條
海鮮方面有清酒煮蜆、燒蠔、虎蝦、鯖魚等等，都幾新鮮架，鮮味十足。一次過點左好多蠔:P
食肉食到濟濟地，可以叫個生菜籃包住D肉食，再戰下一回合。
日本紫薯仔呀!!!好甜呀!! 原先兜金菇有層錫紙包住，我手多多"mip"走左，朋友「你mip走左又點燒呀?」哈哈，又係喎（哭笑）
當然少不了就係狂叫刺身北寄貝、八爪魚、帶子都係我最愛！
吞拿魚有筋，不太推薦
識我既人都知我最中意食煎炸野，芝士年糕、炸蠔都走唔出我手掌心！
炸活蟹，炸到D蟹殼好脆，幾特別
佢地既甜品選擇唔算多，但一人有一盒movenpick雪糕❤️❤️
芝士蛋糕仔、推薦大福，軟熟既外皮包住忌廉
4色啫喱，如果有花奶就更加好(很貪心呢)
係movenpick呀，超開心！
以2小時任食既燒肉海鮮放題黎講，質素算中上，一次過可以食到燒肉、海鮮同刺身，不過時間有點緊拙，隻手一路燒個口一路冇停過，雖然係任食放題，但食得晒先好叫，唔好做大晒鬼！
價錢收費:
星期一至四|每位$278
星期五六日、公眾假期及前夕|每位$298 (另收加一，需前一日訂座)
餐廳資料：尚鮮日式燒肉漁市場
|
