今日放工，諗住同朋友黎一個心事台，於是揀左尖沙咀呢間餐廳，昏暗既環境真係好岩講心事呢。
是日精選生蠔 ($15/1)，海膽生蠔 ($28/1)
正正子，每款點了3隻，各同朋友分∼ 海膽來自法國，口感比較爽口，再帶有海水既咸味∼
不得不試就係呢個海膽生蠔，將3種食材放埋一齊，帶出三重既口感。先有甘甜軟膩既韓國馬糞，再來爽脆既蟹子，再咬落去就係甘香既生蠔，頓時覺得好幸福呀！
十分有份量既海鮮拼盤，足夠2 - 3人享用！大部分食品都係熟既，有玫瑰蝦、龍蝦、麵包蟹、青口、鮑魚、翡翠螺。各款海鮮都很新鮮，鮑魚同翡翠螺有嚼口，玫瑰蝦肥美，龍蝦鮮甜彈牙，睡蟹則有勁多膏，「筆」極都仲有，不過味帶甘。
我真係好中意食雞翼，呢款雞翼冇用炸粉炸，應該採用左生炸既方式，亦都保留左雞翼既肉汁，同朋友爭住黎食呀╰（‵□′）╯haha~
薄餅呈長條狀，辣肉腸一塊一塊地整齊排好，完成沒有違和感。pizza用左莎莎醬同芝士，很開胃呀ლ(・ω・ლ
呢款意粉非常美味，每一條扁意粉都沾上了濃稠既醬汁，龍蝦汁不膩，反而帶出陣陣既海鮮既咸鮮味，還有少量既海鮮。起初我地都掛住食海鮮，冇理呢碟意粉，到微溫時我地先醒起，我諗即刻食一定更加美味，有D後悔呢！
(>////<)玩味十足既飲品，有浴缸又有鴨仔，小鴨仔仲好似浸緊泡泡咁！鴨仔前面係爆炸糖，可以放係cooktail入面，咁就會會多左一陣得意既口感。酒精濃度唔多，飲落似果汁，味道就正正常常啦，志在呃likeε٩(๑> ₃ <)۶з∼
對比起其餘2款，我覺得呢款酒精味重小小小小，但仍然好岩女仔飲∼朱古力味幾重，有D似沙冰~
士多啤莉cooktail，賣相幾靚，成杯飲品都好粉紅，又有威化餅，又有士多啤莉針筒，成件事好夢幻，而且又不太甜，好易入口，朋友好喜歡呢(〃∀〃)~♡！
3個人食得飽飽，中意食野既我已經諗好下場去邊度食糖水好，但佢地都太飽，一齊拒絕我（*'Д`）ノ）唯有下次再去啦∼∼
餐廳資料：Mini Club
地址：尖沙咀山林道29-31號地下A舖
__________________________________________
想知多d香港有咩好食好玩既資訊，快d follow我下面其他channel啦:)
|
