餐廳位於酒店下，以為一定會好貴，但價錢可以接受，所以可以一戰！:P餐廳有分燒烤區同非燒烤區，我地今次選擇左燒烤。

點完野食就送上呢6碟既前菜，分別有泡菜、芽菜、魚仔乾、甜番薯、翠玉瓜、蓮藕。最中意食甜番薯，甜甜地，幾特別。

純味特級牛肋骨($138)

牛肋骨原條送上，燒肉時，有韓國店員幫我地燒肉，佢好nice，想用韓文同佢講唔該，不過一時諗唔起「唔該」既韓文係咩:P

店員整整齊齊地將牛肉鋪係爐上，完全不用我們動手！

燒到七七八八時，幫我地將牛肉剪開

牛肉好juicy呢，肉質鬆化嫩口，牛味香濃濃郁。

五花肉($128)

燒完牛肉就到五花肉，油脂分佈平均，層層分明。

豬味濃，油脂豐富，燒到逼出黎既油脂令燒肉邊變得脆口，建議不要點任何醬汁，咁就可以食到五花肉既原汁原味。

如果用生菜包住黎食，一定可以減低罪惡感！

紫菜牛肉包飯($68)

米飯調足味，麻油味重，軟硬度適中，不會散開。配料有咬口同好足料

牛排骨湯($108)

牛肉煮到好淋，唔會「鞋恰恰」，排骨湯比較清淡，有一種家既感覺。另有鹽胡椒粉樽供調味，朋友中意濃味D，所以佢加左D鹽作調味。底下有粉絲，亦有一碗飯附上。

海鮮蔥油餅($88)

呢個海鮮餅我唔太推介喇，因為比較油，同埋粉漿有D稀，所以食落比較一pat pat，而且味道亦較似中式薄餅。

餐牌

餐廳資料：首爾家韓國料理
地址：銅鑼灣邊寧頓街13-15號隆堡柏寧頓酒店1樓