又去左葵涌廣場行街喇，不過今次食得好少野，淨係食左2串串燒、章魚燒、玉子燒同車輪餅。

車輪餅($10)

之前都見過唔少人介紹，所以買左一個黎試下。車輪餅有狗仔圖案，圓碌碌，背面有兔仔圖案。

入面有紅豆、麻薯、肉鬆、咸蛋黃呢4樣配搭，蛋香味唔重，麻薯煙煙韌韌，好有口感，而肉鬆同咸蛋黃粒令到車輪餅帶有咸香，令到味道多一個層次。

但我個人實在唔太鐘意食又咸又甜既野食，如果係純紅豆麻薯、或純肉鬆車輪餅我會中意多D，所以呢個車輪餅試過一次就算╮(╯◇╰)╭

邪惡玉子燒($28)

入面已經有粟米、蟹子、芝士，可以自選蟹柳、煙肉、龍蝦沙律、火腿、白蘑菇中既其中一款。

玉子燒整得好嫩滑，口感豐富，比較濕潤，而且又有微微既芝士拉絲，芝士同雞蛋，絕對冇抗拒既理由。食完呢個已經超級飽喇(〃∀〃)~♡

餐廳資料：魷味　
地址：葵芳葵富路7號葵涌廣場1樓B01D號舖