話說早排係長沙灣跑運動場步,，先知原來附近有間小cafe，所以搵日就去左試∼

睇完menu，我地決定叫一個dinner set同一份all day breakfast。

先講dinner set，包左餐湯，沙律，主菜，甜品和飲品，我地就揀左烤美國豬鞍配蜜糖燒烤汁 $188。

餐湯係薯仔忌廉湯，口感幾綿密架∼

沙律我地加左$10，由田園沙律改做凱撤沙律。凱撤沙律既精華就係個沙律醬，變得特別開胃。

主菜係美國豬鞍，好厚切，食完都幾飽∼

肉味豐富，但肉質有待改善，豬鞍有D韌~

我地將原本既是日甜品（芝麻蛋糕）+$25 轉左其他甜品，因為朋友一聽到可以加錢轉心太軟，即刻心心眼呀∼

心太軟比我預期出色得多，朱古力味濃，比同區某間既甜品鋪好得多！

心太軟一切即流，配埋旁邊既雪糕(我估應該係用movenpick雪糕)，食完好幸福呀∼

飲品我地加左+$15轉特飲，點左杯野莓沙冰，都幾大杯架∼

Paradise Full $98 +$5多士轉窩夫

覺得眼前既all day breakfast好吸引呀，有炒蛋，煙火腿，煙三文魚，煙肉，法蘭克福腸，漢堡扒，茄汁豆，烤蕃茄，炒雜菌，粟米，沙律同窩夫，真係好豐富∼！

每樣食物都各有各好！

因為唔係太想食多士，所以加$5轉窩夫，窩夫仲要係吉士餡呀∼

襯熱食就最好食呀，窩夫唔會好乾，真係好想食多一舊∼

不過我覺得有少少可以改善既地方就係太多油，原本好想食晒D雜菌同炒蛋，但因為太油，唔敢再食喇∼∼

跟餐會有一杯橙汁∼

最後我地仲叫多個小食，就係辣辣芝麻雞翼$45/4，覺得好值得叫！

雞翼熱辣辣，好入味，而且炸到外脆內嫩。

不過餐廳寫住叫「辣辣」雞翼，我就一d都食唔到辣味，但就好滋味！

餐牌

餐廳資料：Cafe Paradise
地址：長沙灣長沙灣道638號地舖