我本來係麻麻地中意食餃子，但受到男朋友既影響，我都愈黎愈中意食餃子，一個人食20隻灣仔xx水餃係完全冇問題！正好屋企樓下有呢間餃子店，又平又好食！
餃子只有3款款式，有雲耳椰菜肉餃、韭菜肉餃同白菜肉餃。我地就揀左雲耳椰菜湯餃喇。
$40黎講好抵食，隻隻都好大隻同足料，餃子大隻過隻匙羹呀∼食一碗就好飽lu
餃子皮薄適中，餡料豐富，仲好juicy，但我覺得啲餡咸左小小，記得上次黎食好似冇咁咸架><
湯底係野葛菜生魚豬骨湯 ，有鮮甜既魚鮮味 ，飲落好清，正好中和番餃子既咸味，男朋友仲清左半碗湯呢！
餃子煎到金黃香脆，皮薄既關係就脆卜卜，入面就好juicy，味道方面，我較喜歡濃味既韭菜煎餃，店員好有心機將啲餃子砌到成朵花咁！
而小缺點就係煎餃好油，忍唔住係咁印紙巾∼個人比較推薦健康啲既湯餃呀！😋
聽講太子分店大排長龍，我去幾次都係長沙灣分店，唔洗等位∼
|
