難得係中環搵到價錢相宜既食店，係我喜愛既台灣野食，小店經營，幾有家既感覺∼
對我黎講，餐牌選擇唔算多，慶幸我地點既每一樣野食都唔錯(*´з｀*)
原條蒲燒鰻魚飯 $138
原條鰻魚飯好有份量ヾ(●゜▽゜●)♡ ，淨係食鰻魚我都飽喇∼∼鰻魚軟腍濕潤多汁，而且好厚肉，味道濃郁，甜甜地好入味，配埋嫩滑既溫泉蛋，撈飯就岩晒，珍珠飯好食！！！∼
炸花枝丸 $32 ( ♥д♥)即叫即炸，金黃可口，幾彈牙，入面有好多墨魚粒，點埋淮鹽更惹味！
米紙蝦春卷 $32
好好食(´,,•ω•,,)♡，外層勁香脆，有非常多既蝦粒，好足料！
炸台灣香腸 $28 台灣腸外脆內軟，脂肪比例少，所以食落去乾身一點！！(*´д`)~♥
魯肉飯 $18 一啲都唔肥膩，五花腩肉粒，加上蔥花，但醬汁多一點會更好！
芋圓仙草凍 $35
有熱同凍揀，芋圓好有咬口ლ(・´ｪ`・ლ)，十分煙靭，淺紫色個款既芋圓最好食，食到粒粒芋頭，仙草凍好似啫喱，甜度剛好！
一起食堂
地址：中環域多利皇后街2號地舖
想知多d有咩好食好玩同扮靚既資訊，快d follow我下面其他channel啦:)
|
