琴晚係檔口同舅父嘈起上黎，週邊D檔口都望住曬，吾知係咪平日友善笑容滿面既我，個個都諗吾到原來我會錦樣，就連呢個黃大仙蠻霸都敢係街頭頂撞到拆天，其實真係比舅父吹到啤啤聲，居然鬧我賣墨魚賣得多得濟，話如果係佢就吾（？）賣，因為佢要主力係要賣魚蛋，當時仲要惡到無人有，好似想食左我…所以自問真係無錦好EQ，錦無厘頭不知所謂既道理我都忍到！就真係吾係我，舅父就係錦，跟本可以咩都蠻到無厘頭，淨係識媽媽叉叉，霸字行頭，其實賣嘜野我邊有可能控制得到，真係發覺佢痴痴地線。不過自己番黎都諗自己做得吾係錦大體，話曬舅父係條街度都有頭有面，個個都怕佢怕米貴，我又點可以係條街度錦頂撞佢黎落佢面...
呢排我企檔絕對多過舅父好多生意，因為不論自己笑容同禮貌，同舅父比簡直天堂與地獄，舅父平日闊佬懶理，間中仲媽叉D客，跟本檔野真係做得好，可以發達都無人知，吾覺自己間中落檔口都有個多月，已經有班客好似認住我嘜頭錦，黎到有傾有講，有D甚至會好奇問我點解會買街邊？話我完全吾似食呢行飯，我間中都會笑言答番佢地，有似定吾似，錦我似做咩？問到呢度，好得意佢地大致都吾識得答番我，不過點都好，總之做多左生意，都吾理得錦多，就以昨晚為例，我居然賣左兩日既墨魚貨，臨收檔舅父又係大陸打電話比我，問我賣淨幾多野？我即話又賣曬la，隨即我地兩舅甥就笑起上黎，而家諗起都得啖笑，搖搖頭，唉，兩個真係痴痴呆呆座埋一枱。其實舅父真係好鬼錫我，跟本就無曬我辦法！吾知呢D係咪叫糯米治木蚤，不過講真呢期真係係檔口袋左吾少錢，舅父本錢都吾要，做幾多，我袋幾多，自問邊個做得到？不過我會永遠記住呢個恩，將來有機我一定本利歸還，舅父多謝您.....
芷晴、芷瑤：你知嗎，媽咪今日得到錦多人既恩惠，係因為由最初既「善」字而種下，您地最要學既就係呢們學問！！！不過媽咪都有好多好多要學習既空間，希望日後我地一齊進步！！記住你地要堅信，明日所得，皆因今日樂意所施..........
| 
