今年聖誕節可算是百般滋味，聖誕節我兩個至愛生日，一個農曆一個西歷，所以都破天荒，整左餐勁 勁 勁 既晚餐比佢地，雖然預備都預備左兩日，亦一路整一路驚失水準（尤其係個士多啤梨芝士cake），不過好彩無令自己失望，個個睇見都話好野，尤其家姐臨尾黎見到我整兩味炒野，講到嘆為觀止錦大讚我有辦私房菜既本領，而二哥哥就仲好笑，好似吾係好信係我整既，不過又好難怪，因為二佬從未試過我整過一餐正正經經既比佢食，所以真係一D都吾出奇...不過其實今次經驗真係好吃力，因為全程一手包辦錦多人既野，原來一D都吾簡單...唉！今次開左頭，都吾知點收科，下次其他兄姐妹生日，又無理由大細超嫁，今次真係有小小捉蟲添，睇怕又要諗下計仔點捨捨膊....不過係度都要多謝聲小紅，個晚我臨走佢好似做賊錦，又靜雞雞買左D野食比我，睇黎佢又會變成係第二個家姐la...哈哈勁結他，發達la/////

今日去左浸會探呀新個BB，可能太耐未見過D初生BB，真係個個都好鬼Q好似粒攬核，睇見果時感覺好鬼開心好鬼hi，離開醫院最搞野，無幾耐老公打電話比我，我開心到叫佢搵人生番個，我話我同佢揍，點知佢即刻話我痴左線，唉！真吹脹，無D幽默成舊木...

不過今年聖誕節又要反醒la，自己原意好想將一D野放低，學習豁然看待，學習吾好再擇善固執錦用過往既模式睇呢個世界，要相信殘酷既世界一樣會係自己身邊出現，不過可能成長既記憶中，幾乎無咩特別不如意既人和事，好多野天爺爺亦為我安排最好。一路以黎，總係堅持去用愛去做岩既野，但係而家諗諗下，如用另一種覺度睇自己，都可算是自以為是，所以我真係希望天爺爺快D叮醒我，去接受去長大，愛吾係咩都得，而家呢個世界跟本社會環境扭曲左好多人既價值觀，亦令人慢慢錦失去左自我，人情變得淡薄無味，就算當初幾肯定既承諾同說話，一到自保關頭，跟本吾會講道義，講人情味....不過點都好，相信眼淚同時間會磨鍊到我，究竟以後要用咩態度黎迎接呢個世界？？ 

芷晴芷瑤：人要進步就要每事反思，相信都會有好多得著同感受 ，可能你地現在仲未明白媽媽既心意，不過留待日後，相信你地一定明，人其實活著每日都可能會遇上新衝擊，相信一次仲會比一次難過，但人生就係錦，希望你地記住煩躁完後就要安心靜候，相信天爺爺自有主旨，因為人生就係要錦，經過起跌先會成長，長路裡記著兩姐妹是永恆的一對，要笑著接受不能接受的，仲要記著媽媽永遠的格言，己所欲施於人，喜歡既不代表要佔有同霸佔，雖然挫敗感覺真係好難走，但係亦要明白如吾可以既就吾好去強求，人生係短暫，每事盡做過後，交待比自己便可以了......共勉之          祝妳地永遠幸福、擁有豁然人生！