今日好多野想寫，吾知會吾會寫得曬，剛剛出去處理呀B件事，見完呀B家人，和戒賭中心個社工，唉呀B早兩天已有條十萬數回來，原來昨天又落船，又多多三萬，真係印銀紙都吾掂，自已其實都無咩信心，可打動到呀B，因為廿年來總覺得咩方法都用曬，又算未用曬，有少許良知都吾會再去賭，不過吾知係咪自已人生觀改變了，真的無以前處理事件錦衝動，亦相信每事總有自已出口，不過世事就係錦~相對的，出去會見社工同時，自已真的得著不少，不過幾開心的一樣野，感覺個社工都幾欣賞我，計埋今次林生都已經第四個，其實如果我真係讀多D書，我都相信我係一個傑出既社工，不過當然無如果。其實今次都好麻煩，因為我總覺呀B未醒，不過聽林生既處理態度，我就比多廿至三十分啦，所以唯有見步行步,,,,

其實我現在都吾會否認我而家係賭，我真係吾明，賭無咩所謂架，最重要反而要清晰自已輸得起幾多，其實我真係一個好享受過程既人，所以大部份既人都擔心我買股會過左火位，但我真係覺得我知自已做緊咩，可能我當局者迷，所以都要盡量學習令身邊關心我既人放心，不過反過來我真係幾享受而家，真係幾剌激，幾好玩，賭對我黎講最緊要係注碼，所謂人生難得糊塗，可以做到自已人地認為糊塗既野都吾錯格？點都好啦，各位愛我既家人，你地放心啦，我真係知嫁。

下星期六林生社工約左我去個分享會，我相信到時我就會得益不少，今次我又認定天爺爺為我安排，所以我永遠都話，任何人付出既同時，如能將自已手掌打開，自已回流回來一定多過付出的，總之衷心希望呀B可以過到lee個難關。

今日網友快手，比左個電郵過來講隻1003股票的去向，後來要求佢開msn，同佢傾左一震，發覺吾同左以前，感覺疏離了，最初還斷定他會變成我現實世界老死，所以又証明我成日話做人吾好過份認真，今日朋友聽日仇人，有咩野無可能，人既思維好得意，好難估計，明天會如何？有邊個可以擔保，所以做人隨心而造LEE句真係好掂，不過點都好啦，好多野接受態度，俗稱無計，其實朋友間真係要大家付出，要用同一個理念~堅信，(堅持信任)因為真係要堅信對方是自已朋友，對方吾會在自已身邊拿著數，友誼才可長久…