老公琴晚同你撐台腳，已經好耐好耐未試過，老公你成日都係不停做，真係好少偷得浮生半日閒，有時真係好佩服您，好似永不言敗錦。同您傾計，永遠都係好舒服，老公您道行真係好高，睇咩野都係處之泰然，有時心裡好奇會問有咩係您最重要？？琴晚係車裡同你分享眼見很多朋友，都係離婚收場，相反我依然重係你身邊，重係相處融洽，真係相反覺得得意，可能天爺爺賜你係我身邊，又令我吾離開你，已經係我吾能夠無既福氣，因為真係太多野你同我承擔左，其實我知嫁，我其實都係自私，錦耐以黎都係做我自已鍾意做既野，任性莽為我行我素，有時唸真係除左你，我唸都無邊個包容得到，雖然緣份亦吾係可用理性去分析，但係我真係好感恩上天賜成我地做一對！真係可謂精采，我開朗樂觀求求其其，你呢就隨緣隨心無咩所謂，不過當然我好彩過你啦，因為捱果個係你麻，老公我知當有一日，我離開左世上，你睇番lee套日誌你會好大感觸，就好似我而家成日唸起呀媽一樣，我當然知我係你生命裡佔既位置，不過話你知，我lee半世人，最有福就係有lee個呀媽同有你，其次梗係我兄姐妹啦，有時都會唸，幸福可吾可以跟我一世，有時真係好驚，因為我由細到大，真係太幸運la，點都好啦，多謝您！不過有樣野係我最大既願望，如果有朝一日我吾係度，你真係要成全我，就係你包容我既忍耐力，轉移落兩個女兒身上，吾好錦嚴肅呀，要對兩個女笑多D，輕鬆D，好似對我錦！永無囉囌！知吾知！