而家好眼訓，心裡超多野想寫， 驚聽日吾記得而家個感覺，第日講吾到比個女知，所以都係要寫埋先訓，努力…

今日幫家姐搬屋，去時又係得兩姐妹，不過過程又係頂咀，當頂咀果刻我又好後悔，又係講得太多，我成日都同自已講，對住家姐吾好講錦多，等佢講飽佢，哈哈等佢飽一飽，點知都係。道行未夠有待進步！上到佢屋企，見到門口D紅油，心唸D大耳窿都吾係好惡，因為算係破壞得小兒科，執曬野走既時候，家姐同我和二佬講多謝，當時個心有D酸，因為我地其實都幫吾到d咩？條路咪始終要佢自已承擔，希望佢亦天比福，令佢叮醒過程出現咩問題！《有時真係覺得我身邊的所有，都是上天派給我的絕妙，好似D兄姐妹，永遠同我最多咀頂，但係個個都咬我個頭又梗，咬我屎勿又臭，哈哈真係激死佢地，當靜落黎，簡直透心涼，好玩…》

下午芷晴比我鬧獲金，話佢無搭殺，死啦，問始發現佢似佢老豆，打不還手，罵不還口，佢而家仲有一招好絕，就係吾出聲死跟，真係比佢吹脹！芷瑤今晚好夜番都吾知佢搞嘜？點知佢話今日好忙，去左面幾樣試，著到整整齊齊都係想加印象分，講到自已好有計劃，所以希望上帝助這青年一把，安排明日既路啦…《嘻嘻芷晴芷瑤，我愛您！》

 如果人生係一幅畫，相信暫時我幅畫係七彩繽紛的，因為暫時係我人生裡面真係太多傻笑同求其。亦太多擁有、太多美好，甚至發現有些意外的美麗顏色居然會在我這畫出現…謝謝天爺爺賜我最好的…都係好眼訓，待續！