今日年初二~~~昨天在慈雲山好大感觸，自已係廁所都忍吾住喊，錦大個女，呀媽成日係身邊寵錫，心靈好似孖公仔，自已跟本到而家都接受吾到，果種空虛，但係做人又好清楚凡事要接受，所以真係無奈到不得了。

總結豬年回顧，「寒天飲水，點滴在心頭，花起花落，無奈有悔。」老公早幾日番黎講，大陸廠有兩間廠執！兩條數難左尾，真係好鬼心痛，錦辛苦儲儲埋埋一鋪清袋，都吾知日後既路點行，好擔心，好驚，好怕，真係吾識點表達，係人面前哭又如何，鬧老公反曬面又如何？總之總覺一命二運，我真係好想放低，但係都吾知可以點係最好既方法，兄姐妹方面，自已真係好感動，個個聽到老公間廠收吾到數，又係以往一樣，對我支持寵錫，係度真係要多謝聲『你地』，同你地做到兄姐妹既我盧趣英一生人既福氣，最大既恩賜，有你地係身邊令我係好多人面前，都好自豪好驕傲，兩個女方面，雖然讀書未令我放心，但係我真係好清楚好到心，佢兩條友仔，對我既孝順，有時靜落黎，望下佢地自已都有一份滿足，老公就更不在話下，果種包容愛錫程度，令我好似仲係小孩子錦長不大，令我自由，令我享往.....

昨天上大陸探老爺，身體差左好多，希望係度祝願佢餘下日子，辛痛遠離，好受些小…