賭果種刺激真係好鬼吸引， 已經十幾年無去澳門賭錢，原來任性既賭根難變，今次澳門之行，我亦無變過，可以不眠不休除左陪老豆行街，靜落黎既時間就係係賭場，不過都可謂刺激，臨尾係威尼斯飲早茶既時候，四哥哥出去行左果圈，都無廿分鐘，由輸幾萬變贏幾千，我就當然吾洗講，又係贏左吾滿足，最後又....
已經好耐，無同老公一齊，原來依然不變，都係任我胡鬧，原本兩日一夜變成三日兩夜，真係但求我開心，就咩都無問題，佢仲同小妹講我已經有進步，因為以前要輸到清袋先肯走，但係而家吾會，已經叻左，我聽到心裡面真係覺得有點苦笑兼有點奈何！點解會錦？你究竟有無自己，我做D咩可以挑戰到你個容忍度！不過點都好？！多謝您！~~所以真係唯一方法吾去澳門，就吾洗賭吾洗輸，我諗真係唯一得呢個方法...

今次雖然輸錢，可能同以前比較，一來可能輸得屬於小兒科，二來吾知係咪今次好似羅正牌，家姐話輸左比番一半我，四哥哥同老公，就更加吾洗講，臨落船已經比左錢我壓袋，所以錦耐以黎，今次輸錢，係我輸得最輕最吾內疚既一次....

今次去到呢個威尼斯賭場，第一感覺吾係太好，好似雜架攤，賭桌好密好密，不過可能後尾習慣左，所以又無咩la，而住宿方面，威尼斯又比吾到我，眾人講到錦靚到高不可攀的感覺，吾知係咪d人最初講得太靚，所以令我要求高左，如果講賭場，我較喜歡永利，感覺係賭得黎屬於享受既環境，而新萄京又更差，完全無變似大檔，可惜時間吾夠，如果吾係我都想去金沙同星際玩埋....

至於兩個女，兩個係屋企自己照顧自己，芷晴知道我第二日吾番，係電話度講到好掛住我，無我吾得錦，其實我諗條友仔心裡面，都吾知幾開心，因為無人管，可以放肆下麻，不過點都好，應該吾係太大問題既...